Rirhandzu ri fana ni xo namarheta lexi hlanganisaka ndyangu. Loko ku nga ri na rirhandzu endyangwini, swi ta tika leswaku ku va ni vun’we ni ku tirhisana. Vavanuna, vavasati ni vatswari va nga ri kombisa njhani rirhandzu endyangwini?

Wanuna loyi a rhandzaka nsati wakwe u khathalela swilaveko swa nsati, mavonelo ni ndlela leyi a titwaka ha yona. (Ef 5:28, 29) U wundla ndyangu wa yena, a tlhela a wu pfuna wu va ni vuxaka lebyinene na Yehovha, ku katsa ni ku va ni vugandzeri bya ndyangu nkarhi na nkarhi. (1Tm 5:8) Wansati loyi a rhandzaka nuna wakwe wa titsongahata a tlhela a va ni “xichavo xo enta” eka yena. (Ef 5:22, 33; 1Pe 3:1-6) Vatekani va fanele va tiyimisela ku rivalelana hi ku tshunxeka. (Ef 4:32) Vatswari lava rhandzaka vana va vona va tinyika nkarhi wo va ni n’wana ha un’we va va dyondzisa ku rhandza Yehovha. (Dt 6:6, 7; Ef 6:4) Hi swihi swiphiqo leswi vana va langutanaka na swona exikolweni? Va langutana njhani ni ntshikilelo wa tintangha? Loko swirho hinkwaswo swa ndyangu swi rhandzana, swi ta titwa swi hlayisekile ni ku sirheleleka.

HLALELANI VHIDIYO LEYI NGE, KOMBISA RIRHANDZU LERI NGA HERIKI ENDYANGWINI KUTANI MI HLAMULA SWIVUTISO LESWI LANDZELAKA:

• Wanuna la rhandzaka nsati wakwe u n’wi khathalela njhani ni ku n’wi komba leswaku wa n’wi rhandza?

• Wansati la rhandzaka nuna wakwe u swi kombisa njhani leswaku u ni xichavo xo enta eka yena?

• Vatswari lava rhandzaka vana va vona va va dyondzisa njhani Rito ra Xikwembu?