Loko hi hiseka swi khumba van’wana. Swi nga endla leswaku vanhu va yingisa leswi hi swi vulaka. Swi tlhela swi kombisa leswaku hi swi teka swi ri swa nkoka leswi hi swi vulaka. Hi nga swi kota ku hiseka, ku nga khathariseki mindhavuko ni vumunhu bya hina. (Rhm 12:11) Njhani?

Xo sungula, ehleketa hi ndlela leyi rungula ra wena ri nga ra nkoka ha yona. U ni nkateko wo vula “mahungu lamanene ya swilo leswinene!” (Rhm 10:15) Xa vumbirhi, anakanyisisa hi ndlela leyi mahungu lamanene ma nga pfunaka vayingiseri va wena ha yona. Va ni torha ro twa leswi u lavaka ku va byela swona. (Rhm 10:13, 14) Xo hetelela, vulavula hi ku hiseka, u tshukatshukisa mirhi hi ndlela ya ntumbuluko.

HLALELANI VHIDIYO LEYI NGE, TIPHINE HI KU ENDLA VADYONDZISIWA—ANTSWISA VUTSHILA BYA WENA—DYONDZISA HI KU HISEKA KUTANI MI HLAMULA SWIVUTISO LESWI LANDZELAKA:

• I yini lexi endleke leswaku Rhulani a nga ha hiseki loko a dyondzisa Xiluva Bibele?

• I yini lexi pfuneke Rhulani leswaku a tlhela a hiseka?

• Hikwalahokayini hi fanele hi xiya leswinene eka lava va hi yingiselaka?

• Loko hi hiseka, swi ta va khumba njhani lava hi va dyondzisaka Bibele ni van’wana?