Ndzayo ku nga ha va swileriso kumbe dyondzo yo karhi kambe yi nga tlhela yi katsa ku lulamisiwa ni ku tshinyiwa. Yehovha wa hi tshinya leswaku hi ta n’wi gandzela hi ndlela leyi a yi amukelaka. (Rhm 12:1; Hv 12:10, 11) Mikarhi yin’wana ndzayo ya vava kambe yi endla leswaku munhu a va ni vuxaka lebyinene ni Xikwembu ni ku tisa mikateko. (Swiv 10:7) I yini leswi lava tshinyaka ni lava va tshinyiwaka va faneleke va swi tsundzuka?

Loyi a tshinyaka. Vakulu, vatswari ni van’wana va tikarhatela ku tshinya hi musa ni hi rirhandzu, hilaha Yehovha a endlaka hakona. (Yr 46:28) Hambi loko munhu a endle xidyoho u fanele a tshinyiwa hi ku landza xidyoho xakwe ni hi rirhandzu.—Tit 1:13.

Loyi a tshinyiwaka. Ku nga khathariseki leswaku hi tshinyiwa njhani, hi fanele hi swi amukela hi tlhela hi swi tirhisa. (Swiv 3:11, 12) Leswi hi nga hetisekangiki, hinkwerhu ha tshinyiwa hi tindlela to hambana. Hi nga tshinyiwa hi leswi hi swi hlayaka eBibeleni kumbe leswi hi swi twaka etinhlengeletanweni ta vandlha. Van’wana va nga ha tshinyiwa hi komiti ya vuavanyisi. Loko hi amukela ndzayo hi tlhela hi yi tirhisa, hi ta hanya vutomi byo tsakisa naswona hi ta kuma vutomi lebyi nga heriki.—Swiv 10:17.

HLALELANI VHIDIYO LEYI NGE, “LAVA YEHOVHA A VA RHANDZAKA WA VA TSHINYA” KUTANI MI HLAMULA SWIVUTISO LESWI LANDZELAKA:

• Vutomi bya Canon byi sungule njhani naswona byi cince hi ndlela yihi?

• Yehovha u n’wi tshinye njhani hi ndlela ya rirhandzu?

• Hi dyondza yini eka ntokoto wakwe?