Leswi hi nga hetisekangiki, mikarhi yo tala swa hi tikela ku lawula ku navela ka hina. Loko ho tiendlela ku rhandza, hi nga ha onha vuxaka bya hina na Yehovha. Hi xikombiso, van’wana va rhandza swakudya, swiambalo ni ndhawu yo tshama eka yona ku tlula ndlela leyi va rhandzaka Xikwembu hayona. Van’wana va enerisa ku navela ka vona ka timhaka ta masangu va nga ri na mhaka ni milawu ya Xikwembu. (Rhm 1:26, 27) Naswona van’wana va pfumelela ku phasiwa hi ntshikilelo wa tintangha hileswi va lavaka ku tsakeriwa kumbe ku amukeriwa.—Eks 23:2.

Hi nga ku lawula njhani ku navela ka hina? Hi fanele hi tikarhata leswaku hi endla leswi tsakisaka Yehovha. (Mt 4:4) Nakambe hi fanele hi kombela Yehovha a hi pfuna leswaku hi kota ku lawula ku navela ka hina. Hikwalahokayini? Hikuva wa swi tiva leswi nga swinene eka hina naswona wa swi kota ku enerisa ku navela ka hina ka swilo leswinene.—Ps 145:16.

HLALELANI VHIDIYO LEYI NGE, U NGA TI ONHELI VUTOMI HI KU DZAHA KUTANI MI HLAMULA SWIVUTISO LESWI LANDZELAKA:

• Hikwalahokayini vanhu van’wana va dzaha?

• Ku dzaha swi nga ku endla yini?

• Hikwalahokayini ku dzaha fole ni muxaka wa ku dzaha wa vaping swi hoxile?—2Ko 7:1

• U nga ala njhani loko munhu a ku yenga leswaku u dzaha naswona u nga wu hlula njhani mukhuva wa ku dzaha?