Rirhandzu ra hi pfuna leswaku hi titsongahata. (1Ko 13:4) Ku kombisa leswaku hi rhandza vamakwerhu, a hi nge titeki hi ri lava tlakukeke eka vona. Hi xiya swilo leswinene eka van’wana naswona hi endla leswi hi nga swi kotaka leswaku hi va pfuna. (Flp 2:3, 4) Loko hi rhandza van’wana hi ndlela yoleyo, Yehovha u ta hi tirhisa leswaku hi endla ku rhandza kakwe.

HLALELANI VHIDIYO LEYI NGE, TSUNDZUKA LESWAKU RIRHANDZU RI NJHANI—A RI TIKUKUMUXI KUTANI MI HLAMULA SWIVUTISO LESWI LANDZELAKA:

• Hi tihi tinyiko leti Absalomu a a ri na tona?

• Xana u ti tirhise njhani tinyiko takwe hi ndlela yo biha?

• Hi nga papalata ku tikukumuxa hi ndlela yihi?—Ga 5:26