I yini Bibele leyi rhekhodiweke? Bibele leyi rhekhodiweke i rungula ra Matsalwa Yo Kwetsima Ya Misava Leyintshwa leri ngo yingiseriwa kunene. Ya karhi ya humesiwa hakantsongotsongo hi tindzimi to tala hilaha swi nga kotekaka hakona. Nchumu wun’wana lowu tsakisaka hi Bibele leyi rhekhodiweke hi leswaku ku tirhisiwe marito yo hambanahambana eka swimunuhatwa swa le Bibeleni. Marito ma hlayiwa ni ku tlhela ma kandziyisiwa hi ndlela leyi faneleke swin’we ni mintlhaveko yakona leswaku ku humesiwa rungula ra le Bibeleni hi ndlela leyi ri nga xiswona.

Van’wana va vuyeriwa njhani eka Bibele leyi rhekhodiweke? Vo tala lava yingiselaka Bibele leyi rhekhodiweke nkarhi ni nkarhi va rhandza ndlela leyi swi endlaka Rito ra Xikwembu ri hanya hayona. Va ri ku va va twa vahlayi vo hambanahambana eka swimunuhatwa swa le Bibeleni swi endla va swi vona kahle swiendlakalo swa le Bibeleni ni ku tlhela va swi twisisa kahle leswi tsariweke. (Swiv 4:5) Vo tala va vula leswaku ku yingisela Bibele leyi rhekhodiweke swi va endla va tsaka loko va titwa va karhatekile.—Ps 94:19.

Ku twa rito ra Xikwembu ri hlayiwa swi nga va ni nkucetelo lowukulu evuton’wini bya hina. (2Tk 34:19-21) Loko xiphemu kumbe Bibele leyi heleleke leyi rhekhodiweke yi kumeka hi ririmi leri u ri twisisaka, xana u nga swi endla mukhuva ku yi yingisela loko u ri karhi u tiendlela dyondzo ya wena ya Bibele?

HLALELANI VHIDIYO LEYI NGE, KU ENDLIWA KA BIBELE LEYI RHEKHODIWEKE—XIPHEMU XA VHIDIYO KUTANI MI HLAMULA XIVUTISO LEXI LANDZELAKA:

I yini leswi ku tsakisaka hi ku endliwa ka Bibele leyi rhekhodiweke?