“Yehovha u tsakela vanhu vakwe.” (Ps 149:4) Hambileswi hi nga hetisekangiki, Yehovha u vona vumunhu lebyinene eka hina ni swilo leswinene leswi hi nga ta swi endla. Hambiswiritano, mikarhi yin’wana swi nga hi tikela ku tivona hi ndlela yoleyo. Hi nga ha titwa hi nga ri va nkoka hikwalaho ka ndlela leyi van’wana va hi khomaka hayona. Kumbe hi nga sungula ku kanakana leswaku Yehovha wa hi rhandza hi leswi hi ehleketaka ngopfu hi swihoxo leswi hi tshameke hi swi endla. I yini leswi nga hi pfunaka loko hi titwa hi ndlela yoleyo?

Tsundzuka leswaku Yehovha u vona ni leswi vanhu va nga kotiki ku swi vona. (1Sa 16:7) Leswi vulaka leswaku u vona ni leswi hi nga swi voniki eka hina. Lexi tsakisaka hi leswaku Bibele yi hi chumbutela hi ndlela leyi Yehovha a hi tekaka hayona. Hi nga phema vutlhari byebyo hi ku va hi hlaya tindzimana ta le Bibeleni ni matsalwa lama kombisaka ndlela leyi Yehovha a hi rhandzaka hayona.

HLALELANI VHIDIYO LEYI NGE, SUSUMETELA MBILU YA WENA EKA YEHOVHA KUTANI MI NHLAMULA SWIVUTISO LESWI LANDZAELAKA:

• Xana Xikombiso xa xitsutsumi ni tatana xi nga hi dyondzisa yini hi ndlela leyi Yehovha a hi langutaka hayona?

  Your answer

• Loko munhu loyi a endleke xidyoho lexikulu a teka magoza yo lunghisa vuxaka byakwe na Yehovha a nga tinyikela njhani hi mbilu hinkwayo eka yena?—1Yh 3:19, 20

  Your answer

• Xana makwerhu u vuyeriwe njhani hi ku hlaya ni ku anakanyisisa hi mhaka ya Davhida na Yehoxafati?

  Your answer