Ku Tsutsuma Ka Vagadi Va Mune Va Tihanci
Yesu “a huma a ri karhi a hlula” a ri karhi a lwa na Sathana ni madimona yakwe va ri etilweni naswona a va lahlela emisaveni. Yesu u ya emahlweni a hlula hi ku hi pfuna ni ku sirhelela malandza yakwe enkarhini lowu wa makumu. U ta “hetisa ku hlula ka yena” loko a lovisa vagadi lavan’wana va tihanci hi nkarhi wa Armagedoni naswona a lulamisa hinkwaswo leswi va swi onheke.