MAHANYELO YA VAKRESTE
Ku Antswisa Vutshila Bya Hina Ensin’wini—Ku Chumayela Hi Riqingho
HIKWALAHO KA YINI SWI RI SWA NKOKA: Ku chumayela hi riqingho i ndlela yin’wana ya nkoka yo “nyikela vumbhoni lebyi heleleke bya mahungu lamanene.” (Mi 20:24) * Swi hi pfuna ku chumayela vanhu lava hi nga swi kotiki ku va endzela hikwalaho ka swivangelo swo karhi.
NDLELA LEYI U NGA SWI ENDLAKA HA YONA:
-
Lunghiselela. Hlawula nhlokomhaka leyi vanhu va yi tsakelaka. Xaxameta swilo leswi u tsakelaka ku vulavula hi swona. U nga tlhela u lunghiselela rungula ro koma leri hlamuselaka xivangelo xo va u fonile. Swi nga ku pfuna loko wo va u ri na xitirhisiwa xa thekinoloji lexi nga na JW Library® kumbe jw.org® laha u nga tshama kona.
-
U nga chuhi. Vulavula hi ndlela ya ntumbuluko. N’wayitela u tlhela u tshukatshukisa miri onge loyi u vulavulaka na yena wa ku vona. Khuluka loko u ri karhi u vulavula. Rhamba van’wana leswaku va tirha na wena. Loko n’wini wa muti a ku vutisa xivutiso, phindha xivutiso xexo hi rito leri twalaka leswaku loyi u tirhaka na yena a ta kota ku ku pfuna u kuma nhlamulo.
-
Pfula ndlela yo endla riendzo ro vuyela. Loko munhu wa kona a tsakela ku dyondza, n’wi siyi na xivutiso lexi u nga ta xi hlamula loko u n’wi fonela nakambe. U nga ha tlhela u dyondza na yena hi ku tirhisa email kumbe u n’wi rhumela nkandziyiso. U nga tlhela u n’wi rhumela vhidiyo kumbe xihloko xo karhi lexi nga eka website hi ku tirhisa email. Loko u vona swi fanerile, n’wi byeli hi rungula rin’wana leri nga eka website ya hina.
^ par. 3 Loko ku ve ku chumayela hi riqingho swa pfumeleriwa laha u tshamaka kona, swi fanele swi endliwa hi ku landza milawu ya tiko yo sirhelela rungula ra vanhu.
