Leswaku swichudeni swa Bibele swi kota ku va ni vuxaka na Yehovha, swi fanele swi dyondza swo tala ku tlula ntiyiso lowu hi swi dyondzisaka wona. (Mt 5:3; Hv 5:12–6:2) Swi dyondzise ku tiwundla leswaku swi ta va ni vuxaka na Yehovha.

Dyondzisa swichudeni swa wena ku lunghiselela naswona u swi khutaza ku endla tano to ho suka. (mwb18.03 6) Swi khutaze ku sungula hi ku khongela loko swi lava ku dyondza. Swi dyondzise ku tirhisa mikandziyiso leyi nga eka inthanete. Swi kombe ndlela yo kuma leswintshwa eka jw.org/ts ni le ka Vuhaxi Bya JW. Tshama u ri karhi u swi dyondzisa ku hlaya Bibele siku ni siku, ku lunghiselela leswi nga ta dyondziwa etinhlengeletanweni ta vandlha ni ku kuma tinhlamulo ta swivutiso swa swona hi ku endla ndzavisiso. Swi pfune ku anakanyisisa hi leswi swi swi dyondzeke.

HLALELANI VHIDIYO LEYI NGE, PFUNA SWICHUDENI SWA WENA SWA BIBELE LESWAKU . . . SWI VA NI VUXAKA NA YEHOVHA KUTANI MI HLAMULA SWIVUTISO LESWI LANDZELAKA:

• Rhulani u n’wi pfune njhani Xiluva ku vona leswaku ku dyondza swi katsa swo tala ku tlula ku tiva tinhlamulo?

• I yini leswi pfuneke Xiluva a vona leswaku swa fanela ku va Yehovha a yirisa ku tikhoma ku biha hi swa masangu?

• I yini leswi Xiluva a swi twisiseke hi ku anakanyisisa?