Vamakwerhu vaxisati va katseka eka ntirho wa Mfumo. (Ps 68:11) Va fambisa tidyondzo ta Bibele to tala naswona votala i maphayona ya nkarhi hinkwawo. Madzana ya vamakwerhu vaxisati lava tirhaka hi matimba va tirha eBethele, i varhumiwa, va tirha eka ntirho wo aka naswona van’wana i vahundzuluxeri. Vamakwerhu vaxisati va tiyisa mindyangu ya vona ni mavandlha lawa va nga eka wona. (Swiv 14:1) Hambileswi vavasati va nga riki vakulu kumbe malandza ya vutirheli, va nga ha pfuna hi tindlela to karhi evandlheni. Loko u ri makwerhu wa xisati i yini swin’wana leswi u nga swi endlaka?

• Tikarhatele ku va ni vumunhu lebyinene.—1Tm 3:11; 1Pe 3:3-6

• Pfuna vamakwerhu vaxisati lava nga riki na ntokoto evandlheni.—Tit 2:3-5

• Heta nkarhi wo tala u ri ensin’wini u tlhela u tirha hi matimba

• Dyondza ririmi rin’wana

• Rhurhela laha ku nga ni xilaveko lexikulu

• Endla xikombelo xo ya tirha eBethele kumbe ku ya pfuneta eka ntirho wo aka

• Endla xikombelo xo ya eXikolweni Xa Vachumayeri Va Mfumo

HLALELANI VHIDIYO LEYI NGE, “VAVASATI LAVA TIRHAKA HI MATIMBA EHOSINI” KUTANI MI HLAMULA XIVUTISO LEXI LANDZELAKA:

• Xana leswi vamakwerhu lava va swi vuleke swi ku khutaza njhani?