Swikhongelo leswi amukelekaka swi fana ni nun’hwelo wo nandzika wa murhi wo nun’hwela lowu a wu hisiwa nkarhi na nkarhi emahlweni ka Yehovha etempeleni. (Ps 141:2) Loko hi phofulela Yehovha ndlela leyi hi n’wi rhandzaka ni ku tlangela hayona, hi n’wi byela leswi hi karhataka ni leswi hi swi lavaka, hi tlhela hi kombela nkongomiso wakwe, hi kombisa leswaku hi byi teka byi ri bya nkoka vunghana bya hina na yena. I ntiyiso leswaku Yehovha u teka swikhongelo swo koma leswi endliwaka etinhlengeletanwini ta vandlha swi ri xiphemu xa nkoka xa vugandzeri bya hina. Hambiswiritano, swi n’wi tsakisa ngopfu Yehovha loko hi n’wi byela leswi nga le mianakanyeni ya hina hi tlhela hi bula na yena nkarhi wo leha!—Swiv 15:8.

HLALELANI VHIDIYO LEYI NGE, NDZA SWI RHANDZA KU KHONGELA KUTANI MI HLAMULA SWIVUTISO LESWI LANDZELAKA:

• H swihi swiavelo leswi makwerhu Johnson a tiphineke haswona entirhweni wa Yehovha?

• Makwerhu Johnson u titshege hi Yehovha hi ku tirhisa xikhongelo hi ndlela yihi?

• I yini leswi u swi dyondzeke eka ntokoto wa makwerhu Johnson?