Xivutiso: Vanhu van’wana va kanakana leswaku Yesu u tshame a hanya laha misaveni, kasi van’wana va tiyiseka leswaku u tshame a hanya. Hambiswiritano, van’wana va vula leswaku a ku na ndlela leyi hi nga swi tivaka ha yona. Wena u anakanya yini?

Nkandziyiso lowu fambisiwaka: Nkandziyiso lowu wa Xalamuka! wu hlamusela leswi vumbhoni byi swi kombisaka.

Xivutiso: Ku endleka yini loko hi fa?

Tsalwa: Yh 11:11-14

Ntiyiso: Loko munhu a fa u tshika ku va kona. Kutani a hi fanelanga hi chava leswaku ku ta endleka yini endzhaku ka rifu. Yesu u fanise rifu ni ku etlela. Hilaha a endleke hakona eka Lazaro, Yesu u ta “pfuxa” varhandziwa va hina lava feke leswaku va ta tlhela va tsakela vutomi laha misaveni.—Yb 14:14.

Nkandziyiso lowu fambisiwaka: Ndzi tsakela ku ku rhamba eka nkulumo ya Bibele ya mahala. Yi ta nyikeriwa eHolweni ya Mfumo ya le ndhawini ya ka n’wina. [Fambisa xirhambo xo ta eminhlanganweni, n’wi kombe nkarhi ni ndhawu, u vula ni nhlokomhaka ya nkulumo.]

Xivutiso: Xana u tshama u ta eHolweni ya Mfumo? [Loko swi fanerile n’wi kombe vhidiyo leyi nge Ku Endliwa Yini eHolweni Ya Mfumo?]