Timbhoni ta Yehovha ti katekile swinene. Leswi hi tinyiketeleke naswona hi nga Vakreste lava khuvuriweke hi ya emahlweni hi tikarhatela ku va ni vuxaka lebyi tiyeke na Yehovha Hosi Leyi Lawulaka. U endle leswaku hi va ni vuxaka na yena hi ku tirhisa N’wana wakwe. (Yh 6:44) U yingisa swikhongelo swa hina.—Ps 34:15.

Hi nga byi sirhelela njhani vuxaka bya hina bya risima na Xikwembu? Hi fanele hi papalata ku endla swilo leswi hoxeke leswi Vaisrayele va swi endleke. Endzhaku ko endla ntwanano na Yehovha va endle rhole ra nsuku kutani va sungula ku ri gandzela. (Eks 32:7, 8; 1Ko 10:7, 11, 14) Hi fanele hi tivutisa leswi: ‘I yini leswi ni swi endlaka loko ni langutana ni miringo? Xana leswi ni swi endlaka swi kombisa leswaku ni teka vuxaka bya mina na Yehovha byi ri bya nkoka?’ Ndlela leyi hi n’wi rhandzaka ha yona Tata wa hina wa le tilweni yi ta hi pfuna ku papalata ku endla leswi a swi vengaka.—Ps 97:10.

HLALELANI VHIDIYO LEYI NGE SIRHELELA VUXAKA BYA WENA NA YEHOVHA (KL 3:5) KUTANI MIHLAMULA SWIVUTISO LESWI LANDZELAKA:

• I yini makwanga?

• Hikwalaho ka yini hi fanele hi papalata makwanga ni ku gandzela swikwembu swa hava?

• Vuoswi na ku gandzela swikwembu swa hava swi fambisana njhani?

• Hikwalaho ka yini lava khomekeke ngopfu enhlanganweni wa Yehovha va fanele va tiyiseka leswaku va khathalela swilaveko swa vanghana va vona va vukati?