LEXI ENDLAKA SWI VA SWA NKOKA: Nkarhi na nkarhi minhlangano yi endla leswaku hi ‘yimbelelela Yehovha’ ni ku ‘n’wi dzunisa.’ (Ps 149:1) Eminhlanganweni, hi dyondzisiwa ku endla ku rhandza ka Xikwembu. (Ps 143:10) Hakanyingi vanhu lava tsakelaka ni swichudeni swa Bibele va endla nhluvuko lowukulu loko va sungula ku ta eminhlanganweni.

NDLELA LEYI U NGA SWI ENDLAKA HA YONA:

• N’wi rhambe to ho suka. A wu fanelanga u rindza kukondza ku sunguriwa dyondzo ya Bibele.—Nhl 22:17

• Hlamusela munhu loyi a tsakelaka leswi a nga swi langutelaka ni leswi nga ta tlhuvutsiwa eka nhlangano lowu taka. Swilo leswi landzelaka swi nga pfuna emhakeni leyi: xirhambo xo ta eminhlanganweni ya vandlha, vhidiyo leyi nge Ku Endliwa Yini eHolweni Ya Mfumo? ni dyondzo5 na 7 ta broxara leyi nge Ku Rhandza Ka Yehovha

• Lunghekela ku pfuna. Xana loyi a tsakelaka u lava xo famba hi xona kumbe mpfuno wo hlawula swiambalo leswi fanelekaka? Tshama ekusuhi na yena eminhlanganweni ni ku hlaya na yena minkandziyiso ya wena. N’wi tivise eka van’wana