Endzhaku ka loko Yesu hi singita a phamele vavanuna va 5 000 ku katsa ni vavasati swin’we ni vana, u byele vadyondzisiwa vakwe a ku: “Hlengeletani swiphemu leswi saleke, leswaku ku nga tlangiwi hi nchumu.” (Yh 6:12) Yesu u kombise leswaku wa swi tlangela swakudya leswi Yehovha a va nyikeke swona hi ku lerisa vadyondzisiwa vakwe leswaku va swi hlengeleta.

Namuntlha, Huvo leyi Fumaka yi tekelela Yesu, yi yi tirhisa hi vutlhari minyikelo leyi hi yi nyikelaka. Hi xikombiso, loko ku akiwa ntsindza wa misava hinkwayo eWarwick le New York, vamakwerhu va hlawule pulani leyi a yi ta endla leswaku va kota ku tirhisa minyikelo hi vutlhari.

HI NGA SWI PAPALATA NJHANI KU TLANGISA MINYIKELO . . .

• loko hi ri emihlanganweni ya Vukreste?

• loko hi teka mikandziyiso leyi hi lavaka ku yi dyondza emakaya? (km 5/09 3 ¶4)

• loko hi teka mikandziyiso leyi hi lavaka ku yi tirhisa ensin’wini? (mwb17.02 “Yi Tirhise Kahle Minkandziyiso Leyi Sekeriweke eBibeleni” ¶1)

• loko hi ri ensin’wini? (mwb17.02 “Yi Tirhise Kahle Minkandziyiso Leyi Sekeriweke eBibeleni” ¶2 ni bokisi)