6:9-11, 25-27, 54, 66-69

Loko Yesu a tirhise xifaniso lexi vadyondzisiwa vakwe a va nga xi twisisi, van’wana va khunguvanyekile kutani va tshika ku n’wi landzela. Hi xa tolo xa kona, a ha ku va nyika swakudya hi singita, a kombisa leswaku matimba lawa a nga na wona a ma huma eka Xikwembu. Hikwalaho ka yini va khunguvanyekile? Swi tikomba onge a va landzela Yesu hi xikongomelo lexi nga riki xinene. A va n’wi landzela hi xikongomelo xa leswaku va ta vuyeriwa hi swilo leswi a va endlela swona.

Un’wana ni un’wana wa hina u fanele a tivutisa: ‘Hikwalaho ka yini ndzi landzela Yesu? Ndzi n’wi landzela hikwalaho ka mikateko leyi ndzi yi kumaka sweswi kumbe leyi ndzi nga ta yi kuma enkarhini lowu taka? Kumbe hi leswi ndzi rhandzaka Yehovha naswona ndzi lavaka ku n’wi tsakisa?’

Hikwalaho ka yini hi fanele hi khunguvanyeka loko ku ri hi leswaku hi tirhela Yehovha hikwalaho ka swivangelo leswi landzelaka?

• Hi tsakela ku tihlanganisa ni vanhu va Xikwembu

• Hi lava ku ya hanya eParadeyisini