Hi November, hi ta endla matshalatshala yo twarisa mahungu lamanene ya leswaku misava leyinene yi le kusuhi. (Ps 37:10, 11; Nhl 21:3-5) Hlela swiyimo swa wena leswaku u ta katseka hi ku helela eka tsima leri. Loko u teka vuphayona bya nkarhinyana hi n’hweti leyi, u nga ha hlawula ku vika 30 kumbe 50 wa tiawara.

Tiyimisele ku hlayela vanhu vo tala hilaha u nga kotaka hakona, hi tsalwa leri vulavulaka hi misava leyintshwa. Loko u hlawula ndzimana ya Bibele, ehleketa hi leswaku yi ta va khumba njhani vanhu va le ndhawini ya ka n’wina. Loko munhu a tsakela ku dyondza eka riendzo ro sungula, n’wi nyike kopi ya Xihondzo Xo Rindza No. 2 2021. Kutani endla riendzo ro vuyela hi xihatla naswona u ringeta ku sungula dyondzo ya Bibele u tirhisa broxara leyi nge, Tiphine Hi Vutomi Hilaha Ku Nga Heriki! Mawaku ntsako lowu hi wu kumaka loko hi katseka hi ku helela eka ku twarisa “mahungu lamanene ya leswo antswa”!—Esa 52:7.

HLALELANI VHIDIYO YA RISIMU LERI NGE, TIVONE U RI EPARADEYISINI KUTANI MI HLAMULA SWIVUTISO LESWI LANDZELAKA:

• Hi byihi vumundzuku byo tsakisa lebyi xinhwanyetana lexi xi anakanyaka ha byona?

• Hi swihi swilo swin’wana leswi u swi languteleke emisaveni leyintshwa?

• Ku anakanyisisa hi ntshembo lowu u nga na wona swi nga ku pfuna njhani leswaku u tilunghiselela ku katseka hi ku helela eka tsima ra November?—Lk 6:45