Yehovha u hi nyike vamakwerhu “emisaveni hinkwayo” leswaku va hi pfuna. (1Pe 5:9) Va nga hi pfuna leswaku hi hlula mintlhontlho leyi hi langutanaka na yona loko hi ri ensin’wini. Hi xikombiso, muapostola Pawulo u vuyeriwile hi leswi Akhwila na Prisila, Silasi, Timotiya ni van’wana va n’wi pfuneke.—Mi 18:1-5.

Xana vamakwerhu va nga ku pfuna njhani loko u ri ensin’wini? Va nga ha ku nyika swiringanyeto leswi nga ku pfunaka loko u kanetiwa, loko u lava ku endla maendzo yo vuyela kumbe loko u lava ku kombela ku dyondza ni munhu kumbe ndlela yo fambisa tidyondzo ta Bibele. Ehleketa hi makwerhu wa le vandlheni ra ka n’wina loyi a nga ku pfunaka kutani u n’wi kombela a ku pfuna. A swi kanakanisi leswaku hinkwenu swi ta mi pfuna naswona swi ta endla leswaku mi tsaka.—Flp 1:25.

HLALELANI VHIDIYO LEYI NGE, TIPHINE HI NTSAKO WO ENDLA VADYONDZISIWA—AMUKELA KU PFUNIWA HI YEHOVHA—VAMAKWERHU KUTANI MI HLAMULA SWIVUTISO LESWI LANDZELAKA:

• Rhulani u n’wi khutaze njhani Xiluva leswaku a ya enhlengeletanweni ya vandlha?

• Hikwalahokayini hi fanele hi rhamba vahuweleri van’wana leswaku va hi joyina loko hi ri na dyondzo ya Bibele?

• Hi wihi nchumu lowu fanaka lowu Xiluva na Luwisa a va wu tsakela?

• Hi tihi tindlela to chumayela leti u nga ti dyondzaka eka vamakwerhu?