September 2-8
PISALEMA 79-81
Risimu 29 Ni Xikhongelo | Marito Yo Pfula (1 min.)
1. Kombisa Rirhandzu Eka Vito Ra Yehovha Ro Kwetsima
(10 min.)
Papalata ku endla swilo leswi nga n’wi tsakisiki Yehovha (Ps 79:9; w17.02 9 ¶5)
Vitana vito ra Yehovha (Ps 80:18; ijwbv 3 ¶4-5)
Yehovha u katekisa lava n’wi yingisaka ni ku tlhela va kombisa rirhandzu eka vito rakwe (Ps 81: 13, 16)
Leswaku matikhomelo ya hina ma fambisana kahle ni vito ra Yehovha hi fanele hi tivisa van’wana leswaku hi timbhoni ta yena
2. Endla Ndzavisiso
(10 min.)
-
Ps 80:1—Hikwalahokayini vito ra Yosefa mikarhi yin’wana a ri tirhisiwa ku kombetela eka tinyimba hinkwato ta Israyele? (it-2 E 111)
-
I yini leswi u swi dyondzeke eka ku hlaya ka Bibele ka vhiki leri leswi u nga tsakelaka ku hi byela swona?
3. Ku Hlayiwa Ka Bibele
(4 min.) Ps 79:1–80:7 (th dyondzo 10)
4. Ku Sungula Mabulo
(1 min.) YINDLU NI YINDLU. Kombela ku dyondza na yena Bibele. (lmd dyondzo 4 yinhla 4)
5. Ku Sungula Mabulo
(3 min.) KU CHUMAYELA HI XITSHUKETA. Kombela ku dyondza na yena Bibele. (lmd dyondzo 4 yinhla 3)
6. Ku Sungula Mabulo
(2 min.) KU CHUMAYELA ETINDHAWINI TA MANI NA MANI. Kombela ku dyondza na yena Bibele. (lmd dyondzo 3 yinhla 3)
7. Ku Landzelerisa
(5 min.) YINDLU NI YINDLU. Kombela ku dyondza Bibele ni munhu loyi a tsakelaka loyi enkarhini lowu nga hundza a aleke ku dyondza Bibele. (lmd dyondzo 8 yinhla 3)
Risimu 10
8. “Va Ta Kwetsimisa Vito Ra Mina”
(15 min.) Bulo ni vayingiseri.
Sathana u sungule ku thyakisa vito ra Yehovha entangeni wa Edeni. Ku sukela kwalaho, ku basisiwa ka vito ra Yehovha ku ve nchumu wa nkoka eka swivumbiwa hinkwaswo leswi katsaka vanhu ni tintsumi.
Xiya man’wana ya mavunwa ya tihanyi lawa Sathana a ma hangalaseke hi Yehovha. U n’wi hehla hi ku va mufumi loyi a nga riki na rirhandzu naswona a nga ni tihanyi. (Gn 3:1-6; Yb 4:18, 19) U vula leswaku vagandzeri va Yehovha, entiyisweni a va n’wi rhandzi. (Yb 2:4, 5) U tlhele a endla vanhu va timiliyoni va tshemba leswaku Yehovha a hi yena muvumbi wa misava leyi yo saseka.—Rhm 1:20, 21.
Xana mavunwa lawa ma ku endla u titwa njhani? A swi kanakanisi leswaku ma ku endla u lava ku yimela vito ra Yehovha! A swi tiva leswaku vanhu vakwe a va ta lava ku kwetsimisa vito ra yena. (Ringanisa na Esaya 29:23.) U nga pfuna njhani?
-
Pfuna van’wana leswaku va tiva ni ku rhandza Yehovha. (Yh 17:25, 26) Lunghekela ku nyikela vumbhoni bya leswaku wa hanya ni ku dyondzisa van’wana hi mitirho yakwe yo saseka.—Esa 63:7
-
Rhandza Yehovha hi mbilu ya wena hinkwayo. (Mt 22:37, 38) Yingisa swileriso swa Yehovha ku nga ri hi leswi swi nga ta ku vuyerisa kambe hi leswi u lavaka ku tsakisa Yehovha.—Swiv 27:11
Tlanga VHIDIYO Rirhandzu A Ri Heli Ku Nga Khathariseki . . . Vadyondzikulorhi Lava Nga Xiximiki Xikwembu. Kutani u vutisa vayingiseri:
-
Xana Ariel and Diego va ri yimele njhani vito ra Yehovha?
-
I yini lexi va khutazeke leswaku va yimela Yehovha?
-
U nga xi tekelela njhani xikombiso xa vona?
9. Dyondzo Ya Bibele Ya Vandlha
(30 min.) bt ndz. 15 ¶1-7 ni xingheniso eka xiyenge 6
