SEOUL, eKorea—November 2012 i n’hweti yo hlawuleka eka Timbhoni ta Yehovha leti tlulaka 100 000 eKorea Dzonga tanihi leswi ti tlangelaka malembe ya 100 ti ri kona etikweni. Timbhoni ti tlangela malembe lawa ya dzana hi ku hlanganyela eka tsima ra tiko hinkwaro ro nyika vanhu xibukwana xo tlangela ku hlanganisa ka tona malembe. Xibukwana xexo xa matluka ya mune lexi nga ni mivalavala xi katsakanya matimu ya Timbhoni ta Yehovha eKorea Dzonga swin’we ni mintirho ya tona ya sweswinyana etikweni.

Hi 1912, vayimeri va Timbhoni ta Yehovha va sungule ntirho wa vona wo dyondzisa vanhu Bibele eKorea. Ku fikela namuntlha, Timbhoni ti gandlise Tibibele ta Xikorea leti lavaka ku ringana 700 000 naswona vhiki ni vhiki ti fambisa tidyondzo to tlula 70 000 ta mahala ta le kaya ta Bibele. Emavandlheni lama tlulaka 1 300 etikweni, Timbhoni ti khoma minhlangano yo dyondzisa Bibele leyi vanhu hinkwavo va amukelekeke ku ya eka yona. Nakambe i khale ti khoma mintsombano ya lembe ni lembe eKorea, leyi wo sungula wa kona wu khomiweke hi 1954. Minongonoko leyi a yi khomiwi hi Xikorea ntsena kambe ni hi Ririmi ra Mavoko ra Korea kusukela hi 1997. Hi 2009, Timbhoni ta Yehovha ti khome ntsombano wa matiko eSeoul laha a ku ri ni vanhu va 58 000, ku katsa ni vaendzi lava tlulaka 6 500 lava humaka ematikweni ya 11. Rhavi ra Timbhoni eSeoul ri simekiwe hi 1953.

Dae-il Hong, muvulavuleri wa Timbhoni ta Yehovha eKorea, u te: “Hi tlangela malembe ya 100 yo tirhela vaakelani va hina.” U tlhele a ku: “Hi tshemba leswaku ku tirhisa milawu ya Bibele swi endla leswaku vukati byi tiya, mindyangu yi tsaka ni ku tiyisa minganga. Hi swi langutele hi mahlo-ngati ku hambeta hi tirhela tiko malembe yo tala lama taka.”

Media Contacts:

J. R. Brown, Office of Public Information, tel. +1 718 560 5000

Republic of Korea: Dae-il Hong, tel. +82 10 3951 0835

Afrika-Dzonga: Mzamo Goloda, +27 11-761-1000