DECEMBER 12, 2014
KOREA DZONGA
Xiviko Xa Nhlengeletano Ya Matiko: Timbhoni Ti Humesa Bibele eXitediyamu Xa Khapu Ya Misava eSeoul
David Splane, xirho xa Huvo leyi Fumaka, a humesa Bibele leyi pfuxetiweke ya Vuhundzuluxeri Bya Misava Leyintshwa Bya Matsalwa Yo Kwetsima hi Xikoriya.
ESEOUL—Timbhoni ta Yehovha ti humese Bibele leyi pfuxetiweke ya Vuhundzuluxeri Bya Misava Leyintshwa Bya Matsalwa Yo Kwetsima hi Xikoriya eNhlengeletanweni ya Matiko leyi a yi ri ni nhlokomhaka leyi nge, “Hambetani Mi Lava Mfumo Wa Xikwembu Ku Sungula!” Nhlengeletano leyi a yi khomeriwe eXitediyamu xa Khapu ya Misava eSeoul, hi September 6-8, 2014. Vanhu va kwalomu ka 56 867 lava a va ri kona exitediyamu ku katsa ni van’wana va 59 091 lava haxeriweke nongonoko lowu hi ku tirhisa Internet eBusan, eDaejeon, eGwangju, eJeju, eSuwon ni le Yeosu, va kume Tibibele mahala. Joon-yeong Choi u te: “Ku humesiwa ka Bibele leyi pfuxetiweke ya Vuhundzuluxeri Bya Misava Leyintshwa enhlengeletanweni leyi i nchumu lowu hi nga taka hi nga wu rivali.”
Vanhu vo tlula 56 000 lava a va ri exitediyamu va tsakela nongonoko lowu sekeriweke eBibeleni.
Timbhoni leti humaka eCanada, eFinland, ePhilippines, ePoland ni le United States a ti ri kona eka nhlengeletano leyi. Dae-il Hong, muvulavuleri wa Timbhoni ta Yehovha eKorea, u te: “Hi tirhe hi matimba ku lunghiselela nhlengeletano leyi kambe a hi nga swi langutelanga leswaku yi nga tsakisa hi ndlela leyi. A ku ri lunghelo ku rhurhela nhlengeletano leyi.”
Swifaniso swa Bibele leswi khaviseke rivala.
Vanhu lava a va ri kona exitediyamu va hlamarisiwe hi swifaniso swinharhu leswikulu swa Tibibele leswi a swi khavisile, loko swi pfuriwa swi va madamu yo khuvulela eka wona. Ku khuvuriwe vanhu va 630 eSeoul ni van’wana va 596 lava a va hlalele nongonoko eka swikirini va ri etindhawini tin’wana kutani nhlayo hinkwayo yi ve 1 226.
Swifaniso swa Bibele leswi tirhisiweke tanihi madamu yo khuvulela eka wona.
Media Contact(s):
International: J. R. Brown, Office of Public Information, tel. +1 718 560 5000
Republic of Korea: Dae-il Hong, tel. +82 31 690 0033
Afrika-Dzonga: Mzamo Goloda, +27 11-761-1000
U Nga Ha Tsakela
MAHUNGU YA SWESWINYANA
Timbhoni Ta Yehovha Ti Tivisa Hi Mintsombano Ya Matiko
Ku sukela hi June 2014 ku ya fika hi January 2015, Timbhoni ta Yehovha ti ta khoma mintsombano ya matiko leyi tekaka masiku manharhu ematikweni ya kaye.
MAHUNGU YA SWESWINYANA
Timbhoni Ta Yehovha Ti Sungula Mintsombano Ya Matiko
Ntsombano wo sungula wa matiko wa 2014 na 2015 wa Timbhoni ta Yehovha wu ta sungula hi Ravuntlhanu hi June 6, 2014, eFord Field, eDetroit, Michigan, le USA. Swiyenge swa wona swi ta haxiwa hi nkarhi wun’we hi lunghiselelo ra Internet etindhawini tin’wana ta khume ta le United States.
MAHUNGU YA SWESWINYANA
Xiviko Xa Tinhlengeletano Ta Matiko: Timbhoni Ti Khoma Tinhlengeletano To Hlawuleka eXitediyamu Xa MetLife
Vanhu va magidi va hlengeletane eXitediyamu xa MetLife aEast Rutherford, New Jersey, le USA, leswaku va khoma Nhlengeletano ya Matiko leyi nga ni nhloko-mhaka leyi nge ‘Hambetani Mi Lava Mfumo Wa Xikwembu Ku Sungula!’ hi June 20-22 na hi June 27-29, 2014.
MAHUNGU YA SWESWINYANA
Nhlengeletano Ya Matiko: Timbhoni Ti Khoma Nhlengeletano eXitediyamu Xa Tiolimpiki Le Greece
Nhlengeletano ya Matiko leyi a yi ri ni nhlokomhaka leyi nge “Hambetani Mi Lava Mfumo Wa Xikwembu Ku Sungula!” a yi khomeriwe exitediyamu xa Tiolimpiki eXivindzini xa Athens, lexi a xi rhurhele Mintlangu ya Tiolimpiki hi 2004.
MALUNGHANA NA HINA
Vana kona eka nhlengeletano ya Xifundzha ya 2024, leyi nge—“Chumayela Mahungu Lamanene!”
Ha ku rhamba leswaku u va kona eka nhlengeletano ya masiku manharhu ya Timbhoni ta Yehovha.
TINHLENGELETANO
Vhidiyo: Xiviko Xa Ntsombano Wa Matiko
Emisaveni hinkwayo Timbhoni ta Yehovha ti khoma mintsombano yo hlawuleka emadorobeni yo karhi. Titwele hi ta wena leswaku ha yini van’wana va swi rhandza ku va kona eka yona.