JANUARY 28, 2016
AZERBAIJAN
Irina Zakharchenko Na Valida Jabrayilova Va Ntshunxiwa eKhotsweni
Endzhaku ko heta tinh’weti ta 11 va ri ekhotsweni, Irina Zakharchenko na Valida Jabrayilova va ntshunxiwile hi January 28, 2016. Muavanyisi Akram Gahramanov u va gwevile kutani a lava leswaku va hakela mali yo tala (7 000 wa ti-manat kumbe 3 932 wa ti-euro) hikwalaho ko fambisa broxara yin’we. U herise xigwevo hikwalaho ka leswi a va ri ekhotsweni ku sukela hi February 17, 2015. Xiboho lexi tekiweke a xi lwisana ni xa Nhlangano wa Matiko xa leswaku Azerbaijan ri fanele ku hakela vavasati lava hikwalaho ka leswi a va khotsiwile swi nga ri enawini.
Hambileswi va vabyaka swinene, Manana Zakharchenko na Jabrayilova va tsakile hileswi va ntshunxiweke. Sweswi va le kaya naswona va le ku hlakarheleni.
U Nga Ha Tsakela
MAHUNGU YA SWESWINYANA
Tiko Ra Azerbaijan Ri Gweva Ni Ku Tlhela Ri Ntshunxa Irina Zakharchenko Na Valida Jabrayilova
Ha yini ku xanisiwa loku ka vavasati vambirhi lava nga riki na nandzu ku pfumeleriwa hi ku va vona nandzu?
MAHUNGU YA SWESWINYANA
Timbhoni Ta Yehovha Ti Endla Xikombelo Xa Leswaku Ku Ntshunxiwa Lava Nga Pfaleriwa Handle Ka Nandzu eAzerbaijan
Irina Zakharchenko na Valida Jabrayilova va khomiwa ku fana ni swigevenga leswi nga ni khombo hikwalaho ko vulavula ni vanhu hi ripfumelo ra vona. Xana Azerbaijan ri ta swi kota ku hetisisa switshembiso swa rona swa leswaku ri amukela vukhongeri?