Hi August 28, 2013, mpatswa lowu nga Timbhoni ta Yehovha eRiphabliki ra Dominika wu tekane hi ndlela yo hlawuleka. Ku sukela hi 1954, micato ya vanhu lava catisiweke hi vukhongeri byin’wana handle ka kereke ya Khatoliki kumbe hulumendhe a yi nga tekiwi yi ri enawini hikwalaho ka ntwanano lowu endliweke hi Riphabliki ra Dominika na Vatican. Hikwalaho ka sweswo, Timbhoni ta Yehovha a ti fanele ti tsarisa vukati bya tona eka hulumendhe hambiloko ti catisiwe hi ku ya hi vukhongeri bya tona. Hambiswiritano, vumbiwa lebyintshwa byi teka micato ya vanhu lava catisiweke hi vukhongeri byin’wana, ku katsa ni Timbhoni ta Yehovha, yi ri enawini. Mucato lowu veke kona hi August 28 a wu ri wo sungula etikweni lowu mpatswa wa kona wu nga catisiwangiki hi kereke ya Khatoliki.

Media Contact(s):

International: J. R. Brown, Office of Public Information, tel. +1 718 560 5000

Dominican Republic: Josué Feliz, tel. +1 809 595 4007

Afrika-Dzonga: Mzamo Goloda, +27 11-761-1000