Endzhaku ko tenga nandzu malembe ya 15, hi December 11, 2012, mfumo wa Furwa wu hakele Timbhoni ta Yehovha mali leyi ringanaka R70 113 860,41.

Hi 1998, mfumo wu vule leswaku Timbhoni ta Yehovha ti fanele ti hakerisiwa xibalo xo tika swinene lexi ringanaka tiphesente ta 60 xa minyikelo ya tona naswona hi 2003 wu vule leswaku ti humesa xiphemu xa mali yoleyo. Huvo ya Yuropa ya Timfanelo ta Vanhu yi vone tiko ra Furwa nandzu wo delela timfanelo ta vukhongeri bya Timbhoni ta Yehovha hi ku ti hakerisa xibalo lexi nga riki enawini, lexi loko a xi lo hakeriwa a xi ta va xi endle leswaku rhavi ra Timbhoni eFurwa ri pfariwa naswona ku kavanyeteka ntirho wa tona wo dyondzisa Bibele. Leswi Huvo yi tekeke xiboho xa leswaku xibalo xexo a xi nga ri enawini, sweswi mfumo wa Furwa wu tlherisela mali leyi wu yi tekeleke Timbhoni yi ri ni ntswalo ni ku hakela swikoxo swa magqweta ya Timbhoni hilaha xiboho xa Huvo xi vulaka hakona.

Media Contacts:

J. R. Brown, Office of Public Information, tel. +1 718 560 5000

France: Guy Canonici, tel. +33 2 32 25 55 55

Afrika-Dzonga: Mzamo Goloda, +27 11-761-1000