Hi Mugqivela, October 6, 2018, ku tsekatseka ka misava ka mpimo wa 5,9 ku hlasele xifundzha xa n’walungu wa Haiti laha ku feke vanhu va 17 kasi vo tlula 300 va vavisekile.

Ku vikiwe leswaku ku hava vamakwerhu lava feke kambe ku ni vahuweleri vambirhi lava vavisekeke ka ntsongo. Swiviko leswi kumiweke loko swa ha ku endleka leswi humaka eka valanguteri va miganga swi vula leswaku tindlu ta 44 ni Tiholo ta Mfumo ta mune swi onhiwile. Edorobeni ra Port-de-Paix, vamakwerhu va kwalomu ka 50 ni swirho swa mindyangu ya vona swa le kusuhi va boheke ku balekela kun’wana hikuva a va nga hlayisekanga emakaya ya vona. Mindyangu leyi yi khathaleriwa hi vandlha ra kwalaho. Xirho xa Komiti ya Rhavi swin’we ni vamakwerhu vambirhi lava tirhaka ni Ndzawulo yo Pulana ni yo Aka ya Kwalaho, va endzele ndhawu leyi khumbekeke ni ku ya khutaza vamakwerhu. Ku rhumeriwe Komiti ya Mphalalo leswaku yi ya pfuneta.

Hi rila na vona vamakwerhu va le Haiti naswona ha va katsa eswikhongelweni swa hina. Ha tlangela leswi Tata wa hina wa le tilweni la nga ni rirhandzu a tshembisaka ku chavelela malandza ya yena yo tshembeka.—Pisalema 119:76.