Xidzedze xa Phailin, ku nga xidzedze xa matimba swinene lexi tshameke xi va kona eIndia emalembeni ya khume lama hundzeke, xi hlasele xifundzha xa Odisha ni xa Andhra Pradesh leswi nga evuxeni bya India hi October 12, 2013. Xidzedze xexo lexi a xi hunga hi rivilo ra 225 wa tikhilomitara hi awara, lexi welaka eka Ntlawa wa vumune, xi siye vanhu va madzana ya magidi va nga ha ri na makaya le Odisha ni ku vanga ndhambi leyikulu leyi dlayeke vanhu va kwalomu ka 43. Ku hava Mbhoni na yin’we ya Yehovha eswifundzheni sweswo leyi ku vikiweke leswaku yi file kumbe yi vavisekile. Loko xidzedze xa Phailin xi nga si fika eribuweni, rhavi ra Timbhoni ta Yehovha ri hlele komiti yo phalala leswaku yi pfuna ku rhurhisa Timbhoni ta kwalomu ka 70 leti tshamaka eribuweni ra xifundzha xa Andhra Pradesh. Timbhoni hinkwato leti rhurhisiweke ti tshama emakaya ya Timbhoni-kulobye.

Media Contact(s):

International: J. R. Brown, Office of Public Information, tel. +1 718 560 5000

India: Tobias Dias, tel. +91 9845476425

Afrika-Dzonga: Mzamo Goloda, +27 11-761-1000