Xidzedze xa matimba xa Cleopatra, lexi hlaseleke xihlala xa Sardinia lexi nga elwandle ra Mediteraniya hi November 18, 2013, xi dlaye vanhu va 16 naswona xi siye vanhu va madzana va nga ri na makaya. Mpfula ya matimba yi vange tindhambi leti khukhuleke mabuloho ni timovha. Rhavi ra Timbhoni ta Yehovha ra le Italy ri vike leswaku un’wana wa lava dlayiweke i Mbhoni ya xisati leyi nga ni malembe ya 83. Nakambe a ku ri ni mindyangu ya mune ya Timbhoni leyi lahlekeriweke hi nhundzu ya yona loko tindhambi ti onhe makaya ya yona naswona mindyangu yin’wana ya 11 yi boheke ku siya makaya ya yona. Hi ku tirhisana ni valawuri va ndhawu, Timbhoni to tlula 120 ti ye endhawini leyi hlaseriweke hi ndhambi leswaku ti yisela Timbhoni-kulobye swakudya ni ku ti pfuna ku basisa swin’we ni ku basisela vaakelani va tona.

Media Contact(s):

International: J. R. Brown, Office of Public Information, tel. +1 718 560 5000

Italy: Stefano Papazian, tel. +39 06 87294260

Afrika-Dzonga: Mzamo Goloda, +27 11-761-1000