Hi October 16, 2013, xidzedze xa Wipha lexi a xi fambisana ni mpfula ya matimba xi hlasele ribuwa ra le vuxeni bya tiko ra Japani. Xihlala lexitsongo xa Oshima, lexi nga ekule hi tikhilomitara ta 120 ku suka edzongeni wa Tokyo, i xin’wana xa tindhawu leti hlaseriweke swinene. Timpfula ta matimba leti neke ku fikela eka mpimo wa 84 wa tisentimara, ti endle leswaku milambu yi khapa-khapa, leswi vangeke ku khuluka ka ndzhope loku dlayeke vanhu va 35. Rhavi ra Timbhoni ta Yehovha ra le Japani ri tiyisekise leswaku ku hava Mbhoni na yin’we evandlheni ra le Oshima leyi vavisekeke kumbe leyi feke eka mhangu leyi. Yindlu ya ndyangu wun’wana lowu nga Timbhoni yi onhake lwangu kambe swirho swa vandlha swi wu pfune ku ri lunghisa. Timbhoni ta kwalaho ti tlhele ti pfuna vaakelani va tona hi swilaveko swa vona ni ku va chavelela hi Matsalwa.

Media Contact(s):

International: J. R. Brown, Office of Public Information, tel. +1 718 560 5000

Japan: Shiro Hayasaki, tel +81 46 233 0005

Afrika-Dzonga: Mzamo Goloda, +27 11-761-1000