OCTOBER 9, 2013
JARIMANI
Ku Pfuriwa Ka Ribye Ro Xixima Mbhoni Leyi Poneke Hi Nkarhi Wa Ku Dlayeteriwa Ka Vayuda eJarimani
SELTERS, eJarimani—Ribye ro xixima Max Liebster loyi a nga Mbhoni ya Yehovha leyi tiyiseleke ku khotsiwa malembe yo tlula ntlhanu etikampeni ta nxaniso ta Manazi, ri pfuriwe ximfumo hi June 21, 2013, eLautertal-Reichenbach. Meyara swin’we ni vatirhela-mfumo van’wana va doroba va pfule ribye leri, laha a ku rhambiwe vaaki va kwalaho ku katsa ni nsati wa Nkulukumba Liebster ku nga Simone Liebster, loyi a nga Mbhoni ya Yehovha.
Leswi a a ri Muyuda loyi a a tshama eJarimani hi nkarhi wa mfumo wa Hitler wa Manazi, Nkulukumba Liebster u khotsiwe hi maphorisa ya Magestapo hi 1939 ivi a yisiwa etikampeni ta nxaniso ta ntlhanu: Sachsenhausen, Neuengamme, Auschwitz, Buna ni le Buchenwald. Swirho swa ndyangu wa ka vona swa nhungu leswi katsaka ni tata wakwe, swi fele etikampeni. U rhwale ntsumbu wa tata wakwe a wu yisa laha mintsumbu yi hisiwaka kona eSachsenhausen.
Nkulukumba Liebster u tivane ni vakhotsiwa-kulobye lava a va ri Timbhoni ta Yehovha etikampeni ta nxaniso. Endzhaku ka loko a ntshunxiwile ekhotsweni hi 1945 u khuvuriwile a va Mbhoni ya Yehovha. Eka ribye ro xixima Nkulukumba Liebster, ku tsariwe leswaku ripfumelo ra yena “ri n’wi ponisile.” U fe hi 2008 a ri ni malembe ya 93.
Xirhambo xa ku pfula ribye ro xixima Nkulukumba Liebster a xi ri ni marito lama nge, “a a tiyiseka leswaku tidyondzo ta Vukreste ti nga endla leswaku vanhu va va ni mahanyelo lamanene.” Wolfram Slupina, muvulavuleri wa Timbhoni ta Yehovha eJarimani u vule leswi: “Ha tsaka hileswi ku tsundzukiwaka un’wana wa vagandzeri-kulorhi lava yimeke va tiyile eripfumelweni ra vona. Ribye leri, ri kombisa matimba ya rungula ra Bibele malunghana ni ku rhula ni vun’we ku nga leswi Timbhoni ta Yehovha ti tikarhatelaka ku va na swona.”
Media Contact(s):
International: J. R. Brown, Office of Public Information, tel. +1 718 560 5000
Germany: Wolfram Slupina, tel. +49 6483 41 3110
Afrika-Dzonga: Mzamo Goloda, +27 11-761-1000
U Nga Ha Tsakela
MAHUNGU YA SWESWINYANA
Timbhoni Ta Yehovha Ti Tsundzukiwa Eka Xitsundzuxo Xa Lembe Ra Vu-70 Xa Lava Poneke eAuschwitz
Hi January 27, 2015, lava poneke eAuschwitz, ku katsa ni lava rhumeriweke hi matiko ni vaendzi vo tala, va ta tsundzuka lembe ra vu-70 ya ku ntshunxiwa ekampeni ya Manazi ni kampa ya rifu.
MAHUNGU YA SWESWINYANA
Muako Wa Xitsundzuxo Wa Sachsenhausen Wu Ta Fundzha Mbhoni Ya Yehovha Leyi Dlayiweke Hi Manazi
Hi September 16, 2014, Nhlangano wa Brandenburg Memorials wu ta tsundzuka lembe ra vu-75 ra rifu ra August Dickmann ekampeni ya nxaniso ya Sachsenhausen. A ku ri yena wo sungula ku dlayiwa erivaleni hi Manazi enkarhini wa Nyimpi ya Vumbirhi ya Misava hileswi a aleke ku ya enyimpini hikwalaho ka ripfalo rakwe
Timbhoni Ta Yehovha Ti Fundziwile Eka Muako Wa Xitsundzuxo eKampeni Ya Nxaniso Ya Gusen
Hi April 13, 2014, ku pfuriwe nsimbi ya xiphepherhele ya xitsundzuxo yo fundzha Timbhoni ta 450 leti a ti khotsiwile hi Manazi ekampeni ya nxaniso eMauthausen ni ya Gusen le Austria.
MAHUNGU YA SWESWINYANA
Richard Rudolph, Wanuna Loyi A Poneke eTikampeni Ta Nxaniso, U File eJarimani A Ri Ni Malembe Ya 102
Richard Rudolph u tiyiselele ku khotsiwa malembe yo tlula 19 ehansi ka mfumo wa Manazi ni wa Makhomunisi hikwalaho ka tidyondzo ta vukhongeri byakwe.