Ku sukela hi October 2013, ku ta va ni ku cinca eka xiyenge lexi nge Mahungu ni lexi nge Malunghana Na Hina eka website ya hina. Xiyenge lexi nge Mahungu xa ha ta tshama xi ri Mahungu. Swilo leswi nga eka xiyenge lexi swi ta tsariwa hi ndlela leyi fambisanaka ni vatsari va mahungu ni milawu leyi va yi tirhisaka. Swilo swo tala leswi a swi kumeka eka xiyenge lexi nge Mahungu swi ta kumeka eka xiyenge lexintshwa lexi nge Mintirho lexi nga ehansi ka xiyenge lexi nge Malunghana Na Hina. Swilo leswi nga ta va swi ri eka xiyenge lexi swi endleriwe ngopfu lava lavaka ku tiva swo tala hi ntirho wa Timbhoni ta Yehovha. Timhaka ni tivhidiyo swi ta hoxiwa eka swihloko leswi: Ntirho Wa Hina Wo Chumayela, Ntirho Wa Hina Wo Kandziyisa, Swiendlakalo Swo Hlawuleka, Ndlela Leyi Ku Hanyiwaka Ha Yona eBethele, Matsima Yo Aka, Ku Pfuna eMugangeni ni Ku Hanya Hi Milawu Ya Bibele.