MAY 15, 2014
MAHUNGU YA MISAVA HINKWAYO
Timbhoni Ta Yehovha Ti Tivisa Hi Mintsombano Ya Matiko
ENEW YORK—Timbhoni ta Yehovha ti tivise leswaku ti ta khoma mintsombano ya matiko leyi tekaka masiku manharhu emadorobeni yo hambana-hambana ku sukela hi June 2014 ku ya fika hi January 2015. Yi ta sungula eUnited States kutani yi ya eAustralia, Ecuador, England, Germany, Greece, Mexico, South Korea ni le Zimbabwe. Mintsombano leyi yi ta fambisana ni tinhlengeletano ta swifundzha leti nga ta va ti khomeriwe etindhawini letitsongo leti hleriwaka hi Timbhoni lembe ni lembe.
Ntsombano wo sungula wa matiko yo hambana-hambana wu ta khomeriwa emuakweni wa Ford Field eDetroit, Michigan, le USA hi June 6, 2014. Ku languteriwe vanhu va kwalomu ka 45 500 entsombanweni lowu, ku katsa ni vapfhumba va 2 500.
Emintsombanweni leyi ku ta va ni vapfhumba va le matikweni yo hambana-hambana naswona eka yin’wana ku ta tlhela ku va ni varhumiwa. J. R. Brown, muvulavuleri wa Timbhoni ta Yehovha eyindlu-nkulu ya tona ya misava hinkwayo eBrooklyn, le New York, u te: “Swa tsakisa ku va emintsombanweni ya hina. Hi ehleketa leswaku ni vanhu lava nga riki Timbhoni va ta tsaka na hina loko hi tshama ni vandyangu swin’we ni vanghana loko hi ri karhi hi yingisela minongonoko leyi tsakisaka swinene.”
Mintsombano leyi yi ni nhloko-mhaka leyi nge “Hambetani Mi Lava Mfumo Wa Xikwembu Ku Sungula!” Nkulukumba Brown u tlhele a hlamusela leswaku “nongonoko wu ta kandziyisa nhloko-mhaka ya Bibele ni tidyondzo timbirhi ta xisekelo ta Timbhoni ta Yehovha leti nge: Mfumo wa Xikwembu wu simekiwe hi 1914 ni leswaku Yesu Kreste i Hosi ya Mfumo wolowo. Hakunene, ntsombano lowu wu kandziyisa ngopfu malembe ya 100 ya Mfumo wa Xikwembu wu ri karhi wu fuma.”
Timbhoni ti le ku endleni ka malunghiselelo yo hlanganyela eka tsima ra misava hinkwayo ro rhamba vanhu leswaku va va kona eka ntsombano wa le ndhawini ya ka vona. Hilaha swi nga hakona emihlanganweni hinkwayo ya Timbhoni, a ku nge hakeriwi naswona a ku nge humesiwi minhlengo.
Masiku ni tindhawu ta Mintsombano ya 2014 leyi nge “Hambetani Mi Lava Mfumo Wa Xikwembu Ku Sungula!” swa kumeka eka web site ya le nawini ya Timbhoni ta Yehovha ya jw.org/ts. Vateki va mahungu va nga fonela erhavini ra Timbhoni ta Yehovha leswaku va kuma vito ra munhu loyi a tirhaka eka xiyenge xa mahungu laha ntsombano wu nga ta va wu khomeriwe kona leswaku va kuma mahungu lama fambisanaka ni ntsombano.
Media Contact(s):
International: J. R. Brown, Office of Public Information, tel. +1 718 560 5000
Afrika-Dzonga: Mzamo Goloda, +27 11-761-1000
U Nga Ha Tsakela
MAHUNGU YA SWESWINYANA
Timbhoni Ta Yehovha Ti Sungula Mintsombano Ya Matiko
Ntsombano wo sungula wa matiko wa 2014 na 2015 wa Timbhoni ta Yehovha wu ta sungula hi Ravuntlhanu hi June 6, 2014, eFord Field, eDetroit, Michigan, le USA. Swiyenge swa wona swi ta haxiwa hi nkarhi wun’we hi lunghiselelo ra Internet etindhawini tin’wana ta khume ta le United States.
MAHUNGU YA SWESWINYANA
Xiviko Xa Tinhlengeletano Ta Matiko: Timbhoni Ti Khoma Tinhlengeletano To Hlawuleka eXitediyamu Xa MetLife
Vanhu va magidi va hlengeletane eXitediyamu xa MetLife aEast Rutherford, New Jersey, le USA, leswaku va khoma Nhlengeletano ya Matiko leyi nga ni nhloko-mhaka leyi nge ‘Hambetani Mi Lava Mfumo Wa Xikwembu Ku Sungula!’ hi June 20-22 na hi June 27-29, 2014.
MAHUNGU YA SWESWINYANA
Nhlengeletano Ya Matiko: Timbhoni Ti Khoma Nhlengeletano eXitediyamu Xa Tiolimpiki Le Greece
Nhlengeletano ya Matiko leyi a yi ri ni nhlokomhaka leyi nge “Hambetani Mi Lava Mfumo Wa Xikwembu Ku Sungula!” a yi khomeriwe exitediyamu xa Tiolimpiki eXivindzini xa Athens, lexi a xi rhurhele Mintlangu ya Tiolimpiki hi 2004.
MAHUNGU YA SWESWINYANA
Xiviko Xa Nhlengeletano Ya Matiko: Timbhoni Ti Humesa Bibele eXitediyamu Xa Khapu Ya Misava eSeoul
Timbhoni ta Yehovha ti humese Bibele leyi pfuxetiweke ya Vuhundzuluxeri Bya Misava Leyintshwa Bya Matsalwa Yo Kwetsima hi Xikoriya eNhlengeletanweni ya Matiko yo Hambanahambana leyi a yi ri ni nhlokomhaka leyi nge, “Hambetani Mi Lava Mfumo Wa Xikwembu Ku Sungula!”
MALUNGHANA NA HINA
Vana kona eka nhlengeletano ya Xifundzha ya 2024, leyi nge—“Chumayela Mahungu Lamanene!”
Ha ku rhamba leswaku u va kona eka nhlengeletano ya masiku manharhu ya Timbhoni ta Yehovha.
TINHLENGELETANO
Vhidiyo: Xiviko Xa Ntsombano Wa Matiko
Emisaveni hinkwayo Timbhoni ta Yehovha ti khoma mintsombano yo hlawuleka emadorobeni yo karhi. Titwele hi ta wena leswaku ha yini van’wana va swi rhandza ku va kona eka yona.