FEBRUARY 26, 2018
MAHUNGU YA MISAVA HINKWAYO
Xidzedze Xa Gita Xi Hlasela Swihlala Swa Le Pacific Dzonga
Xidzedze xa Gita, lexi sunguleke xi ri xitsongo swnene, xi hetelele xi kula lerova xi onhetela eSamoa ni le American Samoa hi February 10-11, 2018, nakambe xi tlhele xi hlasela ni le Tonga hi February 12, xi vange ndhambi ni ku onha swinene.
A nga kona makwerhu la vavisekeke swinene kumbe ku dlayiwa hi xidzedze lexi. Hambiswiritano, makaya yo hlaya ma onhakile swinene. Tikomiti ta Mphalalo ti ve mpfuno swinene eku hangalaseni ka swilaveko swo tanihi swakudya ni switendana eka lava hlaseriweke hi xidzedze.
Le SAMOA, makaya ya khume a ma onhakile swinene.
Kasi le AMERICAN SAMOA i makaya manharhu lama onhiweke hi mati. Vamakwerhu va kwalaho va le ku rhurheleni ka lava onhakeriweke hi makaya.
Le TONGA ku vaviseke makaya ya tsevu. Holo ya Mfumo a yi tirhisiwa tanihi ndhawu ya byetlelo eka lava onhakeriweke hi makaya.
Ha tsaka leswi a nga ri ki kona makwerhu loyi a vavisekeke swinene eka mhangu leyi nileswaku lava weriweke hi mhangu va le ku pfuniweni hi leswi va swi lavaka hi vapfumerikulobye. Nseketelo wo tano wu kombisa rirhandzu leri Yesu a vuleke leswaku ri ta va kona exikarhi ka valandzeri vakwe.—Yohane 13:34, 35.
Va Mahungu:
Emisaveni hinkwayo: David A. Semonian, Office of Public Information, +1-845-524-3000
EAmerican Samoa: Panapa Lui, +1-684-770-0064
ESamoa: Sio Taua, +685-20629
ETonga: Palu Kanongata’a, +676-25736