Hi ti 28 ta September 2017, endzhaku ka loko ku ve ni ku tengisiwa loku tekeke tiawara tinharhu, Khoto ya Xifundzha ya Oryol yi ale xikombelo xo humesa Dennis Christensen ekhotsweni, ku nga muakatiko wa Danish loyi a nga un’wana wa Timbhoni ta Yehovha. U ta tshama ekhotsweni ku ya fikela hi ti 23 ta November 2017.

Loko ku tengiwa mhaka ya Christensen hi July, khoto leyitsongo yi n’wi engetele masiku ya ku tshama ekhotsweni ku ya fikela hi November swi nga fanelanga, naswona ku tlhele ku laviwa na vumbhoni lebyi a byi ta kombisa leswaku hakunene a nga va a ri na nandzu. Magqweta ya Christensen ma yise swivilelo eka Khoto ya timfanelo ta vanhu ya le Yuropa (ECHR) naswona hi ti 4 ta September Khoto ya timfanelo ta vanhu ya le Yuropa yi sungule ku kambisisa mhaka yoleyo hi ku rhumela swivutiso swo hlayanyana eRussia mayelana ni ku kandziyeriwa ka timfanelo ta Nkulukumba Christensen.

Mhaka ya Nkulukumba Christensen yi tiviwa hi matiko hinkwawo, hikwalaho ka leswi ku nga yin’wana ya milandzu leyi endlekeke loko ku fuma mfumo wa Soviet, laha tiko ra Rhaxiya ri pfaleleke Timbhoni ta Yehovha hikwalaho ka ripfumelo ra tona.