Hi Musumbhunuku, October 7, 2013, Ntlawa wa Vaavanyisi lava Tlakukeke va Huvo ya Yuropa ya Timfanelo ta Vanhu wu xi bakanyele etlhelo xikombelo xa tiko ra Rhaxiya xa leswaku ku kambisisiwa hi vuntshwa xiboho xa vuavanyisi lexi tekiweke hi Huvo leyi hi June 6 eka nandzu lowu khumbaka Timbhoni ta Yehovha. Huvo leyi yi vone tiko ra Rhaxiya nandzu wo delela timfanelo ta ku sirheleriwa ka rungula ra munhu ra xihundla naswona yi ri lerise ku riha Manana V. Zhukova na Manana Y. Avilkina mali leyi ringanaka R68 600 ha un’we. Eka nandzu lowu, vatirhela-mfumo va tiko ra Rhaxiya va kume tirhekhodo ta swa vutshunguri leti nga xihundla ta vamanana lava exibedlhele handle ka mpfumelelo wa vona. Tiko ra Rhaxiya ri kombele leswaku nandzu lowu wu hundziseriwa eka Ntlawa wa Vaavanyisi lava Tlakukeke va Huvo leyi, lowu nga ni vulawuri byo kambisisa milandzu hi vuntshwa. Hambiswiritano, Huvo yi xi bakanyele etlhelo xikombelo xa tiko ra Rhaxiya. Kutani xiboho xa vuavanyisi lexi tekiweke hi June 6 a xi nge he cinci naswona tiko ra Rhaxiya ri boheka ku xixima timfanelo ta ku sirheleriwa ka rungula ra munhu ra xihundla eswiyin’weni swo tano ni ku hakela ndziho lowu vekiweke hi Huvo.

Media Contact(s):

International: J. R. Brown, Office of Public Information, tel. +1 718 560 5000

Russia: Grigory Martynov, tel. +7 812 702 2691

Afrika-Dzonga: Mzamo Goloda, +27 11-761-1000