Nandzu wa ku tengisiwa ka Timbhoni ta Yehovha ta 16 eTaganrog, le Rhaxiya wu ni tin’hweti ta 14 sweswi naswona wa ha ya emahlweni hi July 2014. Hi nkarhi wa ku tengisiwa, huvo yi kambisise vumbhoni lebyi tlulaka 60, lebyi byo tala bya byona byi nga bya ku rhekhodiwa ka minhlangano ya vukhongeri, swikhongelo ni ku hlayiwa ka Bibele—ku nga leswi Timbhoni ta Yehovha ti swi endlaka emisaveni hinkwayo.

Mfanelo yo gandzela hi ku ntshunxeka ya Timbhoni leti hehliweke swin’we ni tin’wana ta 800 eTaganrog yi le khombyeni. Timbhoni hinkwato ta 16 ti tiyisekise leswaku a ti nge tshuki ti fularhele ripfumelo ra tona naswona ti ta ya emahlweni ni vugandzeri bya tona tanihi Timbhoni ta Yehovha ku nga khathariseki xiboho lexi nga ta tekiwa.

Vhidiyo leyi yi kombisa Timbhoni tin’wana leti hehliwaka swin’we ni magqweta ya tona ti ri karhi ti lwela ku kuma ntshunxeko wo gandzela ku nga khathariseki ku tengisiwa hi nandzu wa vugevenga swi nga fanelangi.