Hi September 26, 2018, Khoto ya le Henhla ya “Mfumo wa Donetsk” yi vule leswaku nhlangano wa vukhongeri wa Timbhoni ta Yehovha wu ni khombo kutani yi yirise ntirho wa hina. Muchuchisi loyi a tiviseke hi ta ku yirisiwa ka hina ni khoto a va tivisanga ni un’we wa Timbhoni ta Yehovha hi xiboho lexi va xi tekeke. Se i tshamelo maxelo ku yirisa Timbhoni ta Yehovha eDonetsk naswona swi endla leswaku ti nga dyi byi rhelela.

Vamakwerhu va le Donetsk, Luhansk ni le vuxeni bya Ukraine va langutane ni swiyimo swo tika swinene tanihi leswi exikarhi ka lembe ra 2017 Khoto ya le Henhla yi vuleke leswaku minkandziyiso ya hina yi ni khombo. Hi lembe rero, maphorisa ma konanise Timbhoni leti tlulaka 170. Eswifundzeni swa kwalaho valawuri va tlhele va teka Tiholo ta Mfumo hi ku landzelelana. Hi August 29, 2018, se a ku tekiwe Tiholo ta Mfumo ta 16. Hambiloko vukhongeri bya vamakwerhu byi hlaseriwa, va ya emahlweni va ti tshenga hi ‘Xikwembu xa ku ponisa.’—Pisalema 18:46.