Ndzilo lowukulu wa nhova wu ya emahlweni ekusuhi ni le Redding, eCalifornia, ku sukela hi July 23, 2018. Ndzilo lowu a wu pfurha ndhawu ya ku ringana tikhilomitara to tlula 445, wu thyiwe vito ra doroba leri wu sunguleke eka rona naswona se wu dlaye vanhu va nhungu, wu onhe tindhawu to tala ni tiyindlu leti tlulaka 1 300.

A ku na swiviko leswi kombisaka leswaku vamakwerhu lava tshamaka endhawini leyi va vavisekile, hambiswiritano makwerhu un’wana u tshwe ka tsongo loko a ri karhi a tirhisa gandaganda ku pfuna vatimeri va ndzilo. Ku engetela kwalaho, vamakwerhu va kwalomu ka 454 va kume ndhawu yo lata rivambu eka maxaka ya vona ni le ka vahuweleri van’wana. Tiyindlu ta vamakwerhu 12 ti onhakile.

Vahuweleri hinkwavo va khathaleriwile naswona valanguteri va miganga ni vakulu a va khomisana emhakeni yo chavelela vamakwerhu hi Matsalwa ni ku va pfuna hi swilo leswi va swi lavaka enkarhini wa mangava.— Swivuriso 17:17.