Ku sukela hi April 27, 2014, swidzedze leswikulu swi vange swihuhuri swa matimba leswi hlaseleke exivindzini ni le dzongeni wa United States. Swihuhuri swi onhe tiyindlu naswona swiviko swi vula leswaku vanhu vo tlula 30 va file. Rhavi ra Timbhoni ta Yehovha ra le United States ri vike leswaku ku hava Timbhoni leti feke kumbe leti vavisekeke hi nkarhi wa mhangu leyi, kambe tiyindlu ta nkombo ti onhakile. Ku engetela kwalaho, miako yinharhu ya vugandzeri leyi tirhisiwaka hi Timbhoni yi onhakile. Tikomiti ta vatirhi va ku tirhandzela lava nga Timbhoni endhawini yoleyo ti le ku pfuneni ka lava khumbiweke hi swihuhuri.

Media Contact(s):

International: J. R. Brown, Office of Public Information, tel. +1 718 560 5000

Afrika-Dzonga: Mzamo Goloda, +27 11-761-1000