BROOKLYN, eNew York—Timbhoni ta Yehovha ti savisele David Bistricer wa Clipper Equity and the Chetrit Group muako lowu khale ka wona a ku ri Hotel Bossert leyi nga le 98 Montague Street, endhawini leyi dumeke swinene ya Brooklyn Heights. Hotel Bossert a yi akiwe hi 1909, ku nga lembe leri Timbhoni ta Yehovha ti rhurhiseke ntsindza wa tona wa misava hinkwayo eBrooklyn Heights.

Timbhoni ti sungule ku tirhisa muako lowu hi 1983 naswona ti wu xave hi 1988. Hi ku hatlisa ti sungule ntirho lowukulu wo pfuxeta muako hinkwawo hi ku ya hi milawu ya xifundzha xa Landmarks Preservation Commission naswona va kume tisagwadi hikwalaho ka ntirho lowu endliweke wo pfuxeta muako wu tlhelela exiyin’weni xa wona xo sungula xo saseka.

Sweswinyana, Timbhoni ta Yehovha ti rhurhise mintirho ya tona yo tala etindhawini tin’wana. Sweswo swi endle leswaku nhlayo ya vatirhi ni xilaveko xa ndhawu yo tshama swi hunguteka eBrooklyn, leswi endleke leswaku muako lowu wu xavisiwa.

David Semonian, muvulavuleri wa Timbhoni eka swihaxa-mahungu, u te: “Hi swi tsakerile ku khathalela muako wa Bossert emalembeni ya 25 lama hundzeke. I muako wo saseka naswona hi xixima leswi wu swi endleke ematin’wini ya hina.”

Media Contact:

David Semonian, Office of Public Information, tel. +1 718 560 5000

Afrika-Dzonga: Mzamo Goloda, +27 11-761-1000