Hi October 10, 2018, Xidzedze lexi vuriwaka Michael xi onhile eFlorida naswona xi ye emahlweni xi onha swinene ni le dzongavuxa bya United States. Xidzedze lexi welaka eka ntlawa wa vumune xi tekiwa xi ri xin’wana lexi onheke swinene eUnited States naswona xi mbundzumuxe miako yo tala. Xidzedze xi tlhele xi dlaya vanhu va 18.

Xidzedze lexi xi khumbe vamakwerhu eka mavandlha ya 94 ni miganga ya 13. Ku hava vamakwerhu lava va feke hikwalaho ka xidzedze kambe ku vaviseke vanharhu. Xidzedze lexi xi onhe makaya ya 528 ya vamakwerhu ni Tiholo ta Mfumo ta 34 naswona Tiholo ta Mfumo ta 39 ti sale ti nga ri na gezi.

Hofisi ya rhavi ra le United States, Komiti ya Mphalalo ku katsa ni valanguteri va miganga lava tlulaka 40, va khomisanile eka ntirho lowu wo phalala. Ntirho lowu wu katsa ku pfuna vamakwerhu hi swakudya, vutshunguri, ndhawu yo tshama ni mati swin’we ni ku lunghisa malwangu ya tindlu ni ku basisa laha ku onhiweke hi misinya leyi weke. Nakambe ku endliwe malunghiselelo yo khutaza vamakwerhu hi Rito ra Xikwembu.

Hambileswi vagandzerikulorhi va weriweke hi swiyimo swo tika swa mafambiselo lawa, ku katsa ni leswi vangiwaka hi makhombo ya ntumbuluko, va ti tshenga hi Xikwembu hi leswi xi yaka emahlweni xi va seketela.—Pisalema 142:5.