NEW YORK—Vaaki va le Texas, eU.S.A., va le ku hlakarheleni endzhaku ko hlaseriwa hi Xidzedze xa Harvey, lexi hirimuxeke swilo ekusuhi ni le ribuweni ra Corpus Christi hi ti 25 ta August 2017. Tikomiti timbirhi ta Mphalalo ti rhangele ntirho wo phalala leswaku ti pfuna magidi ya vamakwerhu lava khumbekeke.

Vatirhi vo tlula 7 000 vo tirhandzela va tinyiketerile eka ntirho wo basisa endhawini yoleyo, lowu katsaka ku lunghisa makaya ya vahuweleri ya 2 300. Vatirhi va kwalomu ka gidi vo tirhandzela va le ku pfuneni eka ntirho lowu, lowukulu swinene wo aka vhiki ni vhiki. Sweswi hi vulavulaka, se va hete ku lunghisa Tiholo ta Mfumo ta 48 naswona ku hleriwe leswaku ku lunghisiwa emakaya yo tlula 545 eka tin’hweti leti taka. Ku ringanyetiwa leswaku ntirho lowu wo phalala, lowu endliwaka endhawini leyi ntsena, wu ta koxa tidolara ta 8,5 wa timiliyoni naswona wu ta va wu herile hi June 30, 2018.

Ku sukela hi August 2017, vayimeri va rhavi va kwalomu ka 22 ku katsa ni swirho swa nkombo swa Komiti ya Rhavi, se va endzele tindhawu leti hlaseriweke hi xidzedze leswaku va ya chavelela vahuweleri hi ku tirhisa Bibele. Hi khongelela leswaku hinkwavo lava katsekaka eka mitirho yo phalala, ‘mavoko ya vona ya tiyisiwa’ leswaku va endla ntirho lowu.—Nehemiya 6:9.

Va Mahungu:

David A. Semonian, Office of Public Information, +1-845-524-3000