Mikarhi hinkwayo hi tirhisa Bibele ku seketela leswi hi pfumelaka eka swona hikwalaho ka sweswo, leswi hi pfumelaka eka swona swi antswisiwile loko hi ya hi twisisa Matsalwa ku antswa. a

 Ku cinca koloko ku fambisana ni nsinya wa Nawu lowu kumekaka eka Swivuriso 4:​18: “Kambe ndlela ya lavo lulama yi fana ni ku vonakala loku vangamaka ka nimixo loku yaka ku vonakala kukondza ri xa.” Hilaha dyambu loko ri huma ri voningaka hakatsongotsongo, Xikwembu xi hi nyika ku twisisa ka ntiyiso wa Xona hakatsongotsongo hi nkarhi lowu faneleke. (1 Petro 1:​10-​12) Hilaha Bibele yi profeteke hakona, xi hatlisise swilo “ku fikela enkarhini wa makumu.”​—Daniyele 12:4.

 Ku cinciwa ka matwisiselo ya hina a swi fanelanga swi hi hlamarisa kumbe swi hi kanakanisa. Vagandzeri va khale va Xikwembu na vona a va ri ni mavonelo ni langutelo leri hoxeke, hikwalaho a swi lava va antswisa mavonelo ya vona.

•   Eka malembe ya 40 Xikwembu xi nga si tirhisa Muxe, yena se a tiendle muponisi wa tiko ra Israyele.​—Mitirho 7:​23-25, 30, 35.

•   Vaapostola va tsandzeke ku twisisa vuprofeta lebyi a byi profetiwile lebyi vulavulaka hi rifu ni ku pfuxiwa ka Mesiya.​—Esaya 53:​8-​12; Matewu 16:21-​23.

•   Vakreste va’wana vo sungula a va ri ni twisiselo leri hoxeke mayelana ni nkarhi wa “siku ra Yehovha.”​—2 Vatesalonika 2:1, 2.

 Hi ku famba ka nkarhi Xikwembu xi lulamise matwisiselo ya vona naswona hi khongelela leswaku xi ya emahlweni xi endla hilaha ku fanaka eka hina.​—Yakobo 1:5.