Hi 2011, Timbhoni ta Yehovha ti pfune vanhu vo tlula 5 700 ku dyondza ku hlaya ni ku tsala.

Emalembeni ya 25 lama hundzeke, hi pfune vanhu vo tlula 9 000 ku dyondza ku hlaya ni ku tsala.

Ku sukela hi 2002, vanhu lava lavaka ku endla 12 000 va antswise vuswikoti bya vona byo hlaya ni byo tsala. Agnes, loyi a nga ni malembe ya 82, u te: “Loko ku tivisiwe hi ta titlilasi to dyondzisa ku hlaya ni ku tsala, ndzi tsarisile hi ku tsaka lokukulu. Eka dyondzo yo sungula, ndzi dyondze ku tsala vito ra mina!”

Xichudeni xin’wana lexi nga ni malembe ya 55 xi tsale xi ku: “A ndzi nga ehleketi nikatsongo leswaku ndzi nga dyondza ku hlaya ni ku tsala hikuva vatswari va mina a va ndzi yisanga exikolweni.”

Vanhu vo tlula 19 000 va dyondze ku hlaya emalembeni ya 15 lama hundzeke. Xichudeni lexi vuriwaka Felizarda xi te: “Swa ndzi tsakisa leswaku sweswi ndza swi kota ku pfula Bibele kutani ndzi hlayela van’wana matsalwa. Sweswo a swi ndzi tikela swinene eku sunguleni.”

Rhavi ra hina ri tsale ri ku: “Enkarhini lowu hundzeke, vanhu vo tala lava tshamaka etindhawini leti nga toxe a va nghenanga xikolo. Nakambe i vatsongo vanhwanyana lava kumeke dyondzo ya ximfumo. Hikokwalaho, vanhu lavakulu va vuyeriwe ngopfu hi titlilasi to dyondzisa ku hlaya ni ku tsala. Endzhaku ko heta khoso yoleyo, vanhu vo tala se va titshemba swinene.”