Endzhaku ka loko a khuvuriwile a va Mbhoni ya Yehovha, Zarina u tlhelele ekaya eCentral Asia a suka eRhaxiya, a a ri na mafulufulu yo dyondzisa vana vakwe Bibele. Hikwalaho ka leswi a nga hava mali, yena ni vana vakwe va boheke ku ya tshama ekamareni rin’we ni vatswari vakwe ni buti wakwe ni nsati wa yena. Vatswari yena va n’wi arise ku dyondza Bibele ni vana vakwe. Va tlhele va byela vana vakwe leswaku va nga vulavuli na yena hi Bibele.

 Zarina u tshame ehansi a ehleketa hi ndlela leyi a nga pfunaka vana vakwe va tiva Yehovha. (Swivuriso 1:8) U khongele eka Yehovha hi ku phindhaphindha a kombela nkongomiso ni vutlhari. Zarina u endle matshalatshala leswaku a fikelela leswi a a swi khongeleleke, u sungule ku famba ni vana vakwe a vulavula na vona hi ntumbuluko. Sweswo swi pfune vana vakwe leswaku va lava ku tiva hi Muvumbi.

 U tlhele a ta ni ndlela yin’wana leyi n’wi pfuneke leswaku a dyondzisa tintombi takwe, hi ku tirhisa buku leyi nge Xana Bibele Yi Dyondzisa Yini Hakunene? a U tsale tindzimana ni swivutiso swa buku yoleyo eka swiphephana. U tlhele a engetela hi swivulwa swin’wana leswaku a va pfuna va kota ku twisisa. U tumbete swiphephana a veka ni pensele ehansi ka muchini wo hlantswa lowu a wu ri ekamareni ro hlambela. Loko swinhwanyetana swa yena swi ri kwalaho kamareni, a swi hlaya tindzimana teto swi tlhela swi hlamula ni swivutiso leswi a swi ri kona hi ku tsala eka xiphephana xexo.

 Hi ku tirhisa endlelo rero, Zarina u kote ku dyondza tindzima timbirhi ta buku leyi nge Leswi Bibele Yi Swi Dyondzisaka, loko va nga se kume yindlu ya vona. Loko se va yi kumile u kote ku kurisa vana va yena kahle handle ko kavanyetiwa. Hi October 2016, vana volavo vambirhi va khuvuriwile, swa tsakisa leswi mhani wa vona a tirhiseke vutlhari leswaku a va dyondzisa hi Bibele.