1 Johani 1:1-10
1 Hi mu tsalela xungetano hi gezu ga wutomi legi gi nga hi kona kusukela kusanguleni, legi hi gi zwileko, hi gi wonileko hi matihlo ya hina, hi gi cuwukisileko hi tlhela hi gi henya hi mandla ya hina.
2 (Kunene, a wutomi gi wonekelisilwe, hi gi wonile hi tlhela hi nyika wukustumunyu; ha mu hlawutela xungetano hi wutomi ga pindzukelwa legi gi nga hi na Papayi, legi gi nga wonekeliswa ka hina.)
3 A gezu legi ga wutomi hi gi wonileko ni ku gizwa hi galegi hi gi hlawutelako ka n’wina kambe, kasi n’winawu mu fela ku hlengela na hina. Kunene, hina hi hlengela zvin’we na Papayi ni N’wana wakwe Jesu Kristu.
4 Hi mu tsalela a timhaka leti kasi a kutsaka ka hina ku fela ku mbhelela.
5 A mahungu lawa hi ma zwileko kakwe hi lawa hi mu hlawutelako yaku: Nungungulu kuwonekela, ni munyama a wu kona kakwe ne ni kutsongwani.
6 Loku hiku: “Ha hlengela zvin’we naye”, kuveni ha ha famba munyameni, ho hemba niku a hi hanyi hi lisine.
7 Kanilezvi loku hi famba kuwonekeleni kota lezvi yena wutsumbu a nga kuwonekela, hontlheni hi ta zwanana; a nkhata wa N’wana wakwe Jesu wa hi basisa zviwonhweni zvontlhe.
8 Loku hiku: “A hi na ciwonho”, ho ti kalavela, niku a lisine a li kona ka hina.
9 Loku hi wulela a zviwonho zva hina, Nungungulu i tsumbekile niku i lulamile, hikwalaho i ta hi tsetselela a zviwonho zva hina a hi basisa ka kungalulami kontlhe.
10 Loku hiku: “A hi wonhangi”, ha mu maha muhembi, ni mhaka yakwe a yi kona ka hina.
