Marku 16:1-8
-
Jesu a vhuxiwa (1-8)
16 Loku a sabhadho gi hundzile, Mariya wa le Magdhala, na Mariya a mamani wa Jakobe, na Salome, va no xava mafura yo nuhela kasi va ya tota miri wa Jesu.
2 Ni mixo nguvhu hi siku go sangula ga vhiki,* va noya cilahleni a gambo na gi humele.
3 Va wa wutisana vaku: “Himani a to hi wumbulutela ribye legi gi nga laha non’wini wa cilahla?”
4 Kanilezvi laha va nga tlakusa matihlo va cuwuka, va no wona lezvaku a ribye gi susilwe hambu lezvi gi nga hi ga hombe nguvhu.
5 A cikhati leci va nga nghena lomu cilahleni, va no wona jaha na gi tshamile reveni ga cinene, na gi bohile tinguwo to basa, va se dzuka.
6 Giku ngalo kabye: “Mu nga chavi. Mu lava Jesu wa le Nazareta loyi a delweko mhandzeni. I vhuxilwe hi ka vafileko. A nga kona laha. I wa latilwe laha.
7 Kanilezvi fambani mu ya byela vapizani vakwe na Pedro muku: ‘I ndleleni ya kuya Galileya. Mu ta ya mu wona seyo, kota lezvi a nga mu byela.’”
8 Va no huma hi lomu cilahleni va tsutsuma, na va kari va rurumela ni ku hlamala. A va byelangi munhu hakuva va wa chava.*
Mitlhamuselo ya lahasi
^ Kutani: “linyo”.
^ A siku legi hi legi hina hi nge i Sonto. Ka vaJudha gi wa hi siku go sangula ga vhiki.
