Matewu 1:1-25
1 Bhuku ga matimu ya* Jesu Kristu,* a n’wana wa Dhavhidha, n’wana wa Abrahama:
2 Abrahama i no pswala Isaka;Isaka a pswala Jakobe;Jakobe a pswala Judha ni vamakabye vakwe;
3 Judha na Tamari va pswala Perezi na Zera;
Perezi a pswala Hezroni;Hezroni a pswala Aramu;
4 Aramu a pswala Aminadhabha; Aminadhabha a pswala Naxoni;Naxoni a pswala Salimoni;
5 Salimoni na Rahabi va pswala Bhowazi;Bhowazi na Rute va pswala Obhedhi;Obhedhi a pswala Jese;
6 Jese a pswala hosi Dhavhidha.Dhavhidha ni sati wa Uriya va pswala Solomoni;
7 Solomoni a pswala Rehobhowamu;Rehobhowamu a pswala Abhija;Abhija a pswala Asa;
8 Asa a pswala Jehoxafati;Jehoxafati a pswala Joramu;Joramu a pswala Uziya;
9 Uziya a pswala Jothamu;Jothamu a pswala Ahazi;
Ahazi a pswala Hezekiya;
10 Hezekiya a pswala Manase;Manase a pswala Amoni;Amoni a pswala Josiya;
11 Josiya a pswala Jekoniya ni vamakabye vakwe cikhatini leci va nga khon’wa va yisiwa Bhabhuloni.
12 Andzhako ka ku khon’wa va yisiwa Bhabhuloni, Jekoniya i no pswala Salatiyeli;Salatiyeli a pswala Zerubhabheli;
13 Zerubhabheli a pswala Abhiyudhi;Abhiyudhi a pswala Eliyakimu;Eliyakimu a pswala Azori;
14 Azori a pswala Zadhoki;Zadhoki a pswala Akimu;Akimu a pswala Eliyudhi;
15 Eliyudhi a pswala Eleyazari;Eleyazari a pswala Matani;Matani a pswala Jakobe;
16 Jakobe a pswala Josefa a nuna wa Mariya, a mamani wa Jesu loyi a vitaniwako ku hi Kristu.
17 A zvizukulwana zvontlhe kusukela ka Abrahama kala ka Dhavhidha i 14 wa zvona; kusukela ka Dhavhidha kala cikhatini ca kukhon’wa va yisiwa Bhabhuloni i 14 wa zvona; kusukela cikhatini ca kukhon’wa va yisiwa Bhabhuloni kala ka Kristu i 14 wa zvona.
18 A kupswaliwa ka Jesu Kristu ku mahisile lezvi: Cikhatini leci Josefa na Mariya va nga tsumbisene ku chadha, Mariya i no xura nyimba hi moya wo basa* na va nga se chadha.
19 Kanilezvi, kota lezvi Josefa, a nuna wakwe a nga hi munhu wa kululama, na a nga lavi ku mu maha cihlekiso, i wa lava ku tsikana naye cihundleni.
20 Kanilezvi andzhako ka loku Josefa a pimisile hi mhaka leyi, a ngilozi ya Jehovha* yi no woneka kakwe norweni, yiku: “Josefa, n’wana wa Dhavhidha, u nga chavi ku teka sati wa wena Mariya u famba naye kaya, hakuva a nyimba leyi a nga nayo ya moya wo basa.
21 I ta pswala n’wana wa mufana, niku u ta mu chula ku hi Jesu* hakuva i ta hanyisa vanhu vakwe ka zviwonho zvabye.”
22 Zvontlhe lezvi zvi no maheka kasi zvi tatiseka lezvi zvi nga wulilwe hi Jehovha hi ku tirisa muphrofeti wakwe, aku:
23 “A nhwana* i ta xura nyimba a pswala n’wana wa mufana, va mu chula ku hi Imanuweli”, zvi wulako ku “Nungungulu i na hina”.
24 Josefa i no vhuka a maha zvalezvi a ngilozi ya Jehovha yi nga mu byela, a teka sati vakwe vaya kaya.
25 Kanilezvi, a nga hlengelangi masango naye kala a pswala n’wana. I no mu chula ku hi Jesu.
Mitlhamuselo ya lahasi
^ Kutani: “lixaka la”.
^ Kutani: “Mesiya; a Totilweko”.
^ Kutani: “hi ntamu wa Nungungulu”.
^ Legi wutshamu go sangula ka 241 wa makhati ku kumekako a vito ga Nungungulu, ga ku Jehovha, lomu ndzeni ka mavhesi ya Mitsalo ya ciGreki ya wuKristu, ka Bhibhiliya legi. Wona Tlhamuselo wa magezu ya Bhibhiliya.
^ A vito legi ga ku Jesu, hi ciHebheru gi fana ni ku Jexuwa kutani ku Joxuwa, zvi wulako ku “Jehovha Kuhanyisa”.
^ A nhwana wasati a kalako a nga se hlengela masango ni wanuna.
