Kronekele wo sangula 15:1-29
15 Dhavhidha i no simama ku ti akela tiyindlu le Dhoropeni ga Dhavhidha, niku i no longisela wutshamu go veka a Arke* ga Nungungulu wa lisine, a tlhela a gi gwimbela tenda.+
2 Andzhako ka lezvo, Dhavhidha i te ngalo: “A ku na munhu a to rwala a Arke ga Nungungulu wa lisine ahandle ka vaLevhi, hakuva Jehovha i va hlawulile kasi va rwala a Arke ga Jehovha ni ku mu tirela contlhe cikhati.”+
3 Makunu Dhavhidha i no hlengeleta a vaIzrayeli vontlhe Jerusalema kasi va neha a Arke ga Jehovha ka wutshamu legi a nga gi longiselele.+
4 Dhavhidha i no hlengeleta a vana va Aroni+ ni vaLevhi:+
5 Ka va ka Kohate, hi Uriyeli, a murangeli, ni 120 wa vamakabye vakwe;
6 ka va ka Merari, hi Asaya,+ a murangeli, ni 220 wa vamakabye vakwe;
7 ka va ka Gerxomi, hi Joyeli,+ a murangeli, ni 130 wa vamakabye vakwe;
8 ka vana va Elizafane,+ hi Xemaya, a murangeli, ni 200 wa vamakabye vakwe;
9 ka vana va Hebroni, hi Eliyeli, a murangeli, ni 80 wa vamakabye vakwe;
10 ni ka vana va Uziyeli,+ hi Aminadhabha, a murangeli, ni 112 wa vamakabye vakwe.
11 Ahandle ka lezvo, Dhavhidha i no vitana mupristi Zadhoki+ na mupristi Abhiyatari+ zvin’we ni vaLevhi lava: Uriyeli, na Asaya, na Joyeli, na Xemaya, na Eliyeli, na Aminadhabha,
12 aku ngalo kabye: “N’wina mu tihloko ta tiyindlu ta vapapayi va n’wina ta vaLevhi. Ti basiseni, n’wina ni vamakabye va n’wina, mu neha a Arke ga Jehovha, a Nungungulu wa Izrayeli, ka wutshamu legi ndzi gi longiseleleko.
13 Kota lezvi mu nga kala ku gi rwala ka khati go sangula,+ a zanga ya Jehovha, a Nungungulu wa hina, yi no hi vhindlukela+ hakuva hi wa nga hlotangi a mamahela lawa ma faneleko.”+
14 Hikwalaho, a vapristi ni vaLevhi va no ti basisa kasi va neha a Arke ga Jehovha, a Nungungulu wa Izrayeli.
15 Andzhako ka lezvo, a vaLevhi va no rwala Arke ga Nungungulu wa lisine makatleni yabye hi mipingu,+ a ku khwatsi hi lezvi Mosi a leleteleko hi ku landza a gezu ga Jehovha.
16 Hi kulandzela, Dhavhidha i no byela a varangeli va vaLevhi lezvaku va yimisa a vamakabye vabye va vayimbeleli kasi va yimbelela hi kutsaka na ku biwa muzka hi zvichaya-chaya zva tingoti, ni zvitende,+ ni tingomana.+
17 Hikwalaho, a vaLevhi va no yimisa Hemani,+ a n’wana wa Joyeli; ka vamakabye vakwe va no yimisa Asafa,+ a n’wana wa Bherekiya; ka va ka Merari, a vamakabye vabye, va no yimisa Etane,+ a n’wana wa Kuxaya.
18 Zvin’we navo, ku wa hi ni vamakabye vabye va ntlawa wa wumbiri:+ Zakariya, na Bheni, na Jaaziyeli, na Xemiramote, na Jehiyeli, na Uni, na Eliyabhe, na Bhenaya, na Maaseya, na Matitiya, na Elifelehu, na Mikneya; ni vagadhi va tinyangwa: Obhed-Edhomi na Jeyeli.
19 Hemani,+ na Asafa,+ na Etane, a vayimbeleli, va wa fanele kuba a tingomana ta kobre;+
20 Zakariya, na Aziyeli, na Xemiramote, na Jehiyeli, na Uni, na Eliyabhe, na Maaseya, na Bhenaya va waba a zvichaya-chaya zva tingoti zva mabela ya alamota.*+
21 Matitiya,+ na Elifelehu, na Mikneya, na Obhed-Edhomi, na Jeyeli, na Azaziya va waba a zvitende zva mabela ya xeminite,*+ kota vachuli.
22 Kenaniya,+ a murangeli wa vaLevhi, i wa wonelela a kurwaliwa ka Arke, hakuva i wa hi ni wutlhari;
23 Bherekiya na Elkana va wa hi vagadhi va nyangwa ya lomu ku nga tshama Arke.
24 Xebhaniya, na Joxafate, na Netaneli, na Amasayi, na Zakariya, na Bhenaya, na Eliyezeri — a vapristi — va noba mimpundzu yi vhuma nguvhu mahlweni ka Arke ga Nungungulu wa lisine.+ Obhed-Edhomi na Jehiya vonawu va wa hi vagadhi va nyangwa ya lomu ku nga tshama Arke.
25 Dhavhidha ni madhota ya ka Izrayeli ni varangeli va mitlawa ya 1000 wa vanhu va no famba zvin’we va ya teka a arke ga civhumelwano ca Jehovha mutini wa Obhed-Edhomi+ hi kutsaka.+
26 Laha a Nungungulu wa lisine a nga vhuna a vaLevhi lava va nga kari va rwala a arke ga civhumelwano ca Jehovha, va no maha miphahlo hi 7 wa zvidhunana zva tihomu ni 7 wa tiyivhu ta vamatsune.+
27 Dhavhidha i wa bohile nghanju yo kala mawoko ya nguwo ya yinene, a ku khwatsi vaLevhi vontlhe lava va nga rwele a Arke, ni vayimbeleli, na Kenaniya, a murangeli wa kurwaliwa ka Arke ni wa vayimbeleli. Dhavhidha i wa bohile kambe a efodhe ya wukene.*+
28 A vaIzrayeli vontlhe va wa neha a arke ga civhumelwano ca Jehovha na va kulungela hi kutsaka,+ na vaba a linanga, ni mimpundzu,+ ni tingomana. Va waba zvichaya-chaya zva tingoti ni zvitende zvi vhuma nguvhu.+
29 Kanilezvi a cikhati leci a arke ga civhumelwano ca Jehovha gi nga chikela Dhoropeni ga Dhavhidha,+ Mikali,+ a nhanyana wa Sawule, i no hlomela hi janela a wona hosi Dhavhidha na a kina ni ku kulungela, a sangula ku mu chepeta mbilwini yakwe.+
Mitlhamuselo ya lahasi
^ Kutani: “linho”.
