Kronekele wo sangula 16:1-43
16 Hikwalaho, va no neha a Arke* ga Nungungulu wa lisine va ta gi veka lomu ndzeni ka tenda legi Dhavhidha a nga gi gwimbile kasi gi tshama kona.+ Va no nyikela a minyikelo ya kuhiswa ni miphahlo ya kuhlengela* mahlweni ka Nungungulu wa lisine.+
2 Laha Dhavhidha a nga mbheta a ku maha a minyikelo ya kuhiswa+ ni miphahlo ya kuhlengela,+ i no katekisa vanhu vitweni ga Jehovha.
3 Ahandle ka lezvo, Dhavhidha i no avela a vaIzrayeli vontlhe, a vavanuna ni vavasati, a mun’we ni mun’we a nyikiwa pawa ya redhonda, ni bholu* ya ticindzu, ni bholu ya mauvha yo woma.
4 Makunu i no yimisa a vaLevhi vo kari lezvaku va tira mahlweni ka Arke ga Jehovha,+ kasi va dzundza,* va bonga, va tlhela va dhumisa Jehovha, a Nungungulu wa Izrayeli.
5 Asafa+ i wa hi yena a hloko; Zakariya i wa hi wa wumbiri. Jeyeli, na Xemiramote, na Jehiyeli, na Matitiya, na Eliyabhe, na Bhenaya, na Obhed-Edhomi, na Jeyeli+ va waba a zvichaya-chaya zva tingoti, ni zvitende.+ Asafa i waba a tingomana.+
6 Bhenaya na Jahaziyeli, a vapristi, va waba a mimpundzu contlhe cikhati mahlweni ka arke ga civhumelwano ca Nungungulu wa lisine.
7 Kuve ka siku lego laha Dhavhidha a nga tsamba a lisimu la ku bonga Jehovha hi khati go sangula hi nomu wa Asafa+ ni vamakabye vakwe:
8 “Bongani Jehovha,+ khongelani vitweni gakwe;Tivisani a mitiro yakwe cikari ka matiko!+
9 Yimbelelani kakwe, yimbelelani a tisimu ta* ku mu dhumisa;+Ehleketani* hi mitiro yakwe yontlhe yo hlamalisa.+
10 Bhumani hi vito gakwe go basa.+
Ngha a timbilu ta lava va hlotako Jehovha ti tsaka.+
11 Hlotani Jehovha+ ni ntamu wakwe.
Hlotani a nghohe yakwe contlhe cikhati.+
12 Alakanyani a mitiro yakwe yo hlamalisa leyi a yi mahileko,+A zvihlamaliso zvakwe ni kulamula loku a ku wulileko,
13 Wena pswalo* wa Izrayeli, a nandza gakwe,+N’wina vana va Jakobe, a vahlawulilweko vakwe.+
14 Hi yena Jehovha, a Nungungulu wa hina.+
A kulamula kakwe ku misaveni yontlhe.+
15 Alakanyani a civhumelwano cakwe kala kupindzuka,A citsumbiso leci a ci mahileko* ka 1000 wa zvizukulwana,+
16 A civhumelwano leci a mahileko na Abrahama,+Ni cihlambanyo leci a mahileko ka Isaka,+
17 Leci a ci yimisileko kota cileletelo ka Jakobe+Ni civhumelwano ca pindzukelwa ka Izrayeli,
18 Aku: ‘Ndzi ta ku nyika a tiko ga Khanani+Kota tshomba ya n’wina mu avelweko.’+
19 Lezvo zvi mahekile a cikhati leci mu nga hi vatsongwani,Ina, na ma hi vatsongwani nguvhu, na mu hi valuveli tikweni lego.+
20 Va wa suka ka tiko gin’we vaya ka gin’wani,Ni ka mufumo wun’we vaya ka wun’wani.+
21 Nungungulu a nga tsikangi munhu a va xanisa,+Kanilezvi i no kawuka tihosi hi kota yabye,+
22 Aku: ‘Mu nga henyi a vatotilweko va mina;Ni vaphrofeti va mina mu nga va maheli kubiha.’+
23 Yimbelelani ka Jehovha, n’wentlhe n’wina misava!
Tivisani a kuhanyisa kakwe siku ni siku!+
24 Kanelani a wudzundzo gakwe cikari ka matiko,Ni mitiro yakwe yo hlamalisa cikari ka mifumo yontlhe.
25 Hakuva Jehovha wa hombe niku wa ringanelwa nguvhu hi ku dhumisiwa.
Wa chaveka a ku hundza vontlhe a vanungungulu lava van’wani.+
26 Vontlhe a vanungungulu va matiko vanungungulu va nga vhuniko nchumu,+Kanilezvi Jehovha hi yena a nga maha matilo.+
27 Mahlweni kakwe, ku na ni wukulu* ni kungangamela;+A ntamu ni kutsaka zvi laha a tshamako kona.+
28 Nyikani Jehovha lezvi zvi mu fanelako, n’wina mingango ya matiko;Nyikani Jehovha lezvi zvi mu faneleko hi kota ya kungangamela kakwe ni ntamu wakwe.+
29 Nyikani Jehovha a wudzundzo legi gi fanelako a vito gakwe;+Nehani cinyikiwo mu ta ti wonekelisa mahlweni kakwe.+
Khizamelani* Jehovha na mu bohile a tinguwo to basa.*+
30 Rurumelani mahlweni kakwe, n’wentlhe n’wina misava!
A misava yi yimisilwe yi tiya; yi nga ta tsekatsekiswa.*+
31 Ngha a matilo ma tsaka, ni misava yi nengela;+Kanelani cikari ka matiko, muku: ‘Jehovha i mahile Hosi!’+
32 A bimbi gi wa dzindze ni zvontlhe zvi gi tatileko;A mafusi ni zvontlhe zvi nga ka wona zvi wa tsake.
33 Ka cikhati caleco, a tisinya ta khwati ti wa kulungele hi kutsaka mahlweni ka Jehovha,Hakuva wata a ta lamula misava.
34 Bongani Jehovha hakuva mu nene;+A lirandzo lakwe li nga mbheliko li simama kala kupindzuka.+
35 Wulani muku: “Hi ponise, O Nungungulu wa kuhanyisa ka hina,+Hi hlengelete u hi tlhatlhisa ka matiko,Kasi hi bonga a vito ga wena go basa+Hi nengela hi ku ku dhumisa.+
36 Ngha Jehovha, a Nungungulu wa Izrayeli, a dhumiswa,Kusukela kupindzukeni kala kupindzuka.’”
A vanhu vontlhe va te ngalo: “Amen!”* va dhumisa Jehovha.
37 Andzhako ka lezvo, Dhavhidha i no siya Asafa+ ni vamakabye vakwe mahlweni ka arke ga civhumelwano ca Jehovha kasi va tira contlhe cikhati mahlweni ka Arke,+ hi kuya hi mitiro ya siku ni siku.+
38 Obhed-Edhomi ni vamakabye vakwe, ku nga hi 68 wa vona, zvin’we na Obhed-Edhomi, a n’wana wa Jedhutuni, na Hosa va wa hi vagadhi va tinyangwa.
39 Zadhoki,+ a mupristi, ni vapristi-kulobye va wa hi mahlweni ka tabhernakeli ga Jehovha wutshan’wini go tlakuka gi nga hi Gibheyoni,+
40 kasi va nyikela ka Jehovha a minyikelo ya kuhiswa hi kukhandzakanya laha alatini ga munyikelo wa kuhiswa, mixo ni gambo, ni ku maha zvontlhe lezvi zvi tsalilweko Nayweni wa Jehovha lowu a leleteleko Izrayeli.+
41 Va wa hi na Hemani, na Jedhutuni,+ ni van’wani vavanuna lava va hlawulilweko ni ku yimiswa hi mavito kasi ku bonga Jehovha,+ hakuva “a lirandzo lakwe li nga mbheliko li simama kala kupindzuka”.+
42 Hemani+ na Jedhutuni va wa hi zvin’we navo kasi kuba mimpundzu, ni tingomana, ni zvibya zvi tiriselwako a ku dhumisa a Nungungulu wa lisine; ni vana va Jedhutuni+ va wa hi vahlayisi va nyangwa.
43 Makunu a vanhu vontlhe va noya mitini yabye, na Dhavhidha i noya a ya katekisa a va ngango wakwe.
Mitlhamuselo ya lahasi
^ Kutani: “miphahlo ya kurula”. Wona Tlhamuselo wa magezu ya Bhibhiliya.
^ Kutani: “cikhekhetselo”.
^ Hi kukongoma: “va alakanya”.
^ Kutani: “chayani muzka wa”.
^ Zvi nga maha na zvi wula ku: “Wulawulani”.
^ Hi kukongoma: “mbewu”.
^ Hi kukongoma: “A mhaka leyi a layileko”.
^ Kutani: “wudzundzo”.
^ Kutani: “Khozelani”.
^ Zvi nga maha na zvi wula ku: “Hi kota ya kungangamela ka kubasa kakwe”.
^ Kutani: “ninginiswa”.
^ Kutani: “Zvi wa maheke!”
